კრწანისის გამგეობამ, შავთელის ქუჩაზე მდებარე ტიციან ტაბიძის სახელობის სკვერში, ცნობილი ქართველი სიმბოლისტი პოეტის დაბადების დღე აღნიშნა.

მერიის ინფორმაციით, სპეციალურად ამ დღისთვის სკვერს სარეკონსტრუქციო სამუშაოები ჩაუტარდა. პოეტის ბიუსტთან მიხაკების ყვავილნარი მოეწყო და ვაშლის ხე დაირგო.

ღონისძიებაში მონაწილეობდნენ კრწანისის გამგებელი გიორგი კოპალეიშვილი, პოეტი დავით მაღრაძე, მწერალი ლაშა თაბუკაშვილი, ტიციანის შვილიშვილები - ექიმი გივი ანდრიაძე და ფილოლოგი ნინო ანდრიაძე. პოეტის ლექსები წაიკითხეს და მის ლექსებზე დაწერილი სიმღერები შეასრულეს ტიციან ტაბიძის სახელობის თბილისის 43-ე საჯარო სკოლის მოსწავლეებმა.

„ზუსტად 100 წლის წინ, პოეტი ტიციან ტაბიძე წერდა - აშკარაა, ევროპა შემოაღებს კარებს და ამ დროს ჩვენ უნდა დავხვდეთ ეროვნული შემეცნებით.. მაშინ იქნება ნამდვილი რენესანსი და ამ ეროვნული აღორძინების სადღეგრძელოს სრულიად სერიოზულად ვსვამ „ცისფერი ყანწებითო“. მნიშვნელოვანია, რომ დღეს, 100 წლის შემდეგ, საქართველო ისევ დგას თავის ისტორიულ და კულტურულ გზაზე და ისევ გრძელდება ტიციანის და ყველა იმ ადამიანის სულისკვეთებით ცხოვრება, რომელიც საბჭოთა რეპრესიებმა შეიწირეს“, - განაცხადა კრწანისის გამგებელმა.

„ცისფერყანწელთა“ მოძრაობის ერთ-ერთი დამაარსებელი, ტიციან ტაბიძე, 1937 წელს, 44 წლის ასაკში საბჭოთა რეპრესიებს ემსხვერპლა. მისი საფლავი არ არსებობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“

რუსეთმა უკრაინის მიმართულებით 600 დრონი და 90 რაკეტა გაუშვა, მათ შორის „ორეშნიკი“

მედვედევი კიევის დაბომბვაზე - ჩვენ უნდა დავრტყმა მივიტანოთ - როგორც დღეს გავაკეთეთ და კიდევ უფრო ძლიერად

უსიკმა დაძაბულ ბრძოლაში ვერჰოვენი ნოკაუტით დაამარცხა და ჩემპიონის ტიტულები დაიცვა