6 მაისს, უკრაინული მხარის ინიციატივით, საქართველოს საგარეო საქმეთა სამინისტროს ხელმძღვანელს, მაკა ბოჭორიშვილს, უკრაინის საგარეო საქმეთა მინისტრ ანდრეი სიბიგასთან სატელეფონო საუბარი ჰქონდა, იტყობინება საქართველოს საგარეო საქმეთა სამინისტრო.

„საუბრის დროს განხილული იქნა საქართველო-უკრაინის ურთიერთობები, ხაზი გაესვა დიალოგის მნიშვნელობას და ამ მიმართულებით შემდგომ ნაბიჯებს“, - ნათქვამია უწყების განცხადებაში.

ანდრეი სიბიგამ სატელეფონო საუბრის შესახებ უფრო დეტალურად ისაუბრა სოციალური მედიის საშუალებით.

„მოხარული ვიყავი, რომ ერევანში ბოლო დროს გამართული კონტაქტების შემდეგ, ჩემს ქართველ კოლეგასთან, მაკოია ბოჭორიშვილთან დიალოგი გავაგრძელე.

დღევანდელი სატელეფონო საუბრის დროს აღვნიშნეთ ჩვენს ქვეყნებს შორის კონსტრუქციული დიალოგი და შევთანხმდით ორმხრივ ინტერესზე უკრაინა-საქართველოს ურთიერთობების ნორმალიზების კუთხით.

ვისაუბრეთ ორმხრივ ურთიერთობებსა და საერთაშორისო ორგანიზაციების ფარგლებში თანამშრომლობაზე. მათ ასევე დაადასტურეს ჩვენი მზადყოფნა, ხელი შევუწყოთ ორმხრივ თანამშრომლობას და შევინარჩუნოთ აქტიური კონტაქტი“, - წერს სიბიგა.

შეგახსენებთ, რომ 4 მაისს, ერევანში, ევროპის პოლიტიკური თანამეგობრობის სამიტის ფარგლებში, საქართველოს პრემიერ-მინისტრ ირაკლი კობახიძესა და ვოლოდიმირ ზელენსკის შორის შეხვედრა გაიმართა. საქართველოს მთავრობის ადმინისტრაციის ცნობით, კომუნიკაცია ასევე უკრაინული მხარის ინიციატივით შედგა. შეხვედრაში მონაწილეობა მიიღეს საქართველოსა და უკრაინის საგარეო პოლიტიკის დეპარტამენტების ხელმძღვანელებმა - მაკა ბოჭორიშვილმა და ანდრეი სიბიგამ.

ავტორი: ექსპრესნიუსი,

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა