ზაქარეიშვილი კადრების გავრცელებაზე: კიბერდანაშაული მსოფლიოს წინაშე არსებული გამოწვევაა

2016-03-31 13:35:22, 404 ნახვა

პოლიტიკა

„შემაშფოთებელია ის, რაც ხდება. ამას ქართულ სინამდვილეში ემატება ამორალური ფონი, როცა ადამიანის პირადი ცხოვრების ამსახველ კადრებს ავრცელებენ“, - ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა პაატა ზაქარეიშვილმა მთავრობის სხდომის დასრულების შემდეგ პირადი ცხოვრების ამსახველი მორიგი კადრების გავრცელების კომენტირებისას განაცხადა.

როგორც ზაქარეიშვილმა აღნიშნა, კიბერდანაშაული მსოფლიო გამოწვევაა. საქართველოს მთავრობა მაქსიმალურადაა მობილიზებული, რათა კადრების გავრცელება მინიმუმამდე დავიდეს და დროულად მოხდეს როგორც პრევენცია, ასევე გამოძიება.

''შემაშფოთებელია ის რაც დღეს ხდება. ჩვენ ვხედავთ რა ხდება მსოფლიოში კიბერდანაშაულთან დაკავშირებით. უამრავი საიტები არსებობს, რომლებიც არა პირადი ცხოვრების შესახებ ინფორმაციას, მაგრამ ავრცელებენ ინფორმაციას, რომელიც სხვადასხვა სახელმწიფოს აზარალებს. ამით იმის თქმა მინდა, რომ კიბედანაშაული ჯერ კიდევ არის ისეთი მოვლენა, რომელიც მთელი მსოფლიოს გამოწვევაა“, -აღნიშნა ზაქარეიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან