საერთაშორისო პრესის ინსტიტუტი (IPI) აცხადებს, რომ საქართველოს პარლამენტის მიერ მიღებული ახალი კანონები სერიოზულ საფრთხეს უქმნის დამოუკიდებელ მედიას და საერთაშორისო საზოგადოებას მკაცრი რეაგირებისკენ მოუწოდებს.

ორგანიზაციის შეფასებით, ახალი საკანონმდებლო პაკეტი მკაცრად ზღუდავს უცხოურ დაფინანსებასა და საერთაშორისო თანამშრომლობას, რაც შესაძლოა დამოუკიდებელი ჟურნალისტიკის პარალიზებამდე მივიდეს. ასევე აღნიშნულია, რომ კანონით შეიძლება დაისაჯოს ხელისუფლების ლეგიტიმურობის საჯარო კრიტიკა, რაც ზრდის ცენზურის რისკს.

საერთაშორისო პრესის ინსტიტუტის განცხადებით, აღნიშნული ნაბიჯები აძლიერებს ზეწოლას მედიასა და სამოქალაქო საზოგადოებაზე. ორგანიზაცია ევროკავშირსა და საერთაშორისო საზოგადოებას მოუწოდებს განიხილონ მიზნობრივი სანქციები იმ პირების მიმართ, რომლებიც პასუხისმგებელნი არიან მედიის თავისუფლების შეზღუდვაზე.

ამასთან, ორგანიზაცია აღნიშნავს, რომ სანქციები უნდა შეეხოს არა მხოლოდ მმართველი პარტიის წარმომადგენლებს, არამედ იმ გადაწყვეტილების მიმღებ პირებსა და მოსამართლეებსაც, რომლებიც მედიის წინააღმდეგ ზეწოლაში მონაწილეობენ.

ავტორი: ექსპრესნიუსი,

სოციალური ქსელები

უნგრეთის მმართველი პარტია პრემიერმინისტრის ვადების შეზღუდვას გეგმავს

ოცნების მთავრობა: საქართველოში ყაზახეთის პრეზიდენტის, კასიმ-ჟომარტ ტოკაევის ვიზიტია დაგეგმილი

Cashback-ის და Visa-ს შეთავაზება ICR Trade-ის მაღაზიებში

„თეგეტამ“ Datamind-თან პარტნიორობით მონაცემთა მართვის სისტემა გარდაქმნა