ვახტანგ გომელაური პარასკევს პარლამენტის სხდომას ვერ დაესწრება

2016-03-30 16:10:22, 377 ნახვა

პოლიტიკა

სახელმწიფო უსაფრთხოების სამსახურის ხელმძღვანელის ვახტანგ გომელაურის განცხადებით, ის პარასკევს პარლამენტის პლენარულ სხდომას ვერ დაესწრება.

ამის შესახებ გომელაურმა ქუთაისში ჟურნალისტებს განუცხადა.

გომელაურის თქმით, ის მზად იყო ყველა დეპუტატის შეკითხვისთვის პასუხი გაეცა.

„ჩამოვედი თბილისიდან იმისთვის, რომ კითხვებზე პასუხები გამეცა და წარმედგინა ჩემი ანგარიში პარლამენტის დეპუტატებისთვის. ყველა დეპუტატს პატივს ვცემ, იქნება ეს ოპოზიცია თუ პოზიცია და ამიტომ ვარ აქ. პარასკევს მე ვერ ჩამოვალ“, - აღნიშნა ვახტანგ გომელაურმა.

ცნობისთვის, დღეს პარლამენტში დეპუტატებს გომელაურის ანგარიში უნდა მოესმინათ. სხდომა არასაკმარისი კვორუმის გამო ჩაიშალა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან