ქართული ოცნების პარლამენტის თავმჯდომარე შალვა პაპუაშვილი რუსეთის მიერ 105 წლის წინ საქართველოზე თავდასხმასა და ბრიტანეთის მიერ იმედისა და პოსტვის სანქცირებას შორის პარალელს ავლებს.

"105 წლის წინ რუსეთი თავს დაესხა თავისუფალ ქართულ სახელმწიფოს, 105 წლისთავზე ბრიტანეთი თავს დაესხა თავისუფალ ქართულ მედიას.

მე მგონი, ეს პარალელი ძალიან ცხადია და ცხადია მისი შინაარსიც.

რუსეთი 105 წლის წინ თავს დაესხა საქართველოს იმისთვის, რომ ჩვენი სახელწმიფო არ მოსწონდა და უნდოდა შეეჩერებინა ჩვენი სახელმწიფოს არსებობა, ხოლო ბრიტანეთი თავს დაესხვა თავისუფალ ქართულ მედიას იმისთვის, რომ შეაჩეროს თავისუფალი სიტყვა.

ეს არის მთავარი საკითხი, აღარ ვიტყვი იმ შინაარსზე, რაც მათ ჰქონდათ ამ განმარტებაში, აბსოლუტური სისულელე, როგორ თუ ტელევიზიაში ითქვა, რომ უკრაინა არის კორუმპირებული სახელმწიფო, დიახაც კორუმპირებული კიარა ზეკორუმპირებულია არის, ნახეთ მე მგონი, ერთმანეთის დაჭერაზე არიან გადასული.

რაც შეეხება მიზეზებს, აბსოლუტურად არ ანაღვლებს ბრიტანეთს დეზინფორმაცია, გეტყვით რატომ, ბრიტანეთში თავს აფარებს კეზერაშვილი, ფორმულას პატრონი და ხაზარაძე ტვ პირველის პატრონი და დამფინანსებელი, ორი ყველაზე პროპაგანდისტულ-დეზინფორმაციული ტელეკომპანიის, პარტიული მფლობელები უზის თავისთან.

მეორე, სულ ახლახან აპირებდა ბრიტანეთი დაეფინანსებიდან არათუ პროპაგანდის, თუ დეზინფორმაციის, პარტიული კედლის გაზეთი ტაბულა, პირდაპირ პარტიის კედლის გაზეთი უნდოდა დაეფინანსებინა და ვერ შეძლო. დღემდე მალავს ბრიტანეთის ელჩი აქამდე ჰქონდა თუ არა მას დაფინანსებული ტაბულა.

ამიტომ, რა თქმა უნდა, დაივიწყეთ არანაირი ღირებულებები არ არსებობს, დაგვანახა უკვე თანამედროვე სამყარომ.

ამერიკელებმა ყველაზე კარგად დაგვანახეს ბრიტანელების და ევროპელების ის სახე, თითქოს რაღაც ღირებულებებზე დგანან, 12 000 კაცი ჰყავთ დაჭერილი იმის გამო, რომ კომენტარი არ მოეწონათ ვიღაცის", - ამბობს ის.

ავტორი: ექსპრესნიუსი,

სოციალური ქსელები

საგამოძიებოს ცნობით, კორუფციულ და საფინანსო-ეკონომიკურ სფეროში ჩადენილი სამი დანაშაულებრივი ფაქტი გამოავლინეს

სასამართლოს გადაწყვეტილებით, EU-ს ტრასტებში შენახული რუსული აქტივების გაყინვაც შეუძლია

ყაზახეთმა ქვეყანაში „გაზპრომის“ აქტივების ჩამორთმევის ნებართვა გასცა უკრაინის მიერ შეტანილი 1.4 მილიარდი დოლარის ოდენობის სარჩელის შემდეგ

ისწავლე საქართველოს ბანკის ნიკა გუჯეჯიანის სახელობის სტიპენდიით ახლა უკვე მადრიდში