თბილისის მერი კახა კალაძე აცხადებს, რომ „გახარია საქართველოსთვის“ ლიდერი გიორგი გახარია საქართველოში არ იმყოფება, რადგან საზოგადოებასა და შესაბამის სახელმწიფო უწყებებში არსებულ კითხვებს გაურბის.

როგორც მან შესაბამისი შეკითხის საპასუხოდ აღნიშნა, ადგილობრივ თვითმმართველობის არჩევნებში ოპოზიციის წარმომადგენლებს გამარჯვების შესაძლებლობა არ აქვთ, რადგან ყველა მუნიციპალიტეტში „ქართული ოცნების“ კანდიდატები გაიმარჯვებენ.

„ცხადია, გარკვეულ კითხვებს, რომლებიც შესაბამის უწყებებში და საზოგადოებაში არსებობს, გაურბის. ვფიქრობ, რომ ეს არის მთავარი მიზეზი. არჩევნებს რაც შეეხება, მინდა, გულწრფელი ვიყო საზოგადოების წინაშე: ყველა მუნიციპალიტეტში, როგორც მერების, ისე საკრებულოს დონეზე, გაიმარჯვებს „ქართული ოცნება - დემოკრატიული საქართველო“. ამის თქმის შესაძლებლობას მაძლევს და ზურგს მიმაგრებს ჩვენს მიერ გაკეთებული საქმეები, საზოგადოების უმრავლესობის დამოკიდებულება ჩვენს მიმართ, იმ პოლიტიკაზე, რომელსაც ჩვენი გუნდი ახორციელებს. ბევრი მნიშვნელოვანი საქმეა გაკეთებული, ბევრი პროექტია განხორციელებული ბოლო წლების განმავლობაში ქალაქებში, სოფლებში, რაიონებში, თუმცა ჯერ კიდევ რჩება ბევრი გამოწვევა. ჩვენ რეალურად ვიცით, თუ რა უნდა გაკეთდეს, რა პროექტები უნდა განხორციელდეს, რომ ღირსეული პასუხი გაეცეს არსებულ პრობლემებს“, - განაცხადა კახა კალაძემ.

რაც შეეხება გიორგი გახარიას მიერ გაკეთებულ განცხადებას საპარლამენტო მანდატების გამოყენებასთან დაკავშირებით, თბილისის მერი აღნიშნავს, რომ პოლიტიკოსის მიერ შეცდომების აღიარებას მხოლოდ და მხოლოდ მიესალმება.

„აღიარებაც, რა თქმა უნდა, კარგია. როდესაც პოლიტიკოსი უშვებს შეცდომას, შემდეგ იაზრებს და აღიარებს, ამას მხოლოდ და მხოლოდ მივესალმები. თუ შევხედავთ ჩვენი ოპოზიიციის უმრავლესობას, უდიდეს ნაწილს, საერთოდ ვერ გარკვეულან რა ხდება. მე დიდი ხანი არ ვარ პოლიტიკაში, 2011 წელს მივიღე გადაწყვეტილება პოლიტიკაში მოსვლის, თუმცა ამ ხნის განმავლობაში, დიდი გამოცდილება დამიგროვდა და შემიძლია, გარკვეული ანალიზიც გავაკეთო სხვადასხვა საკითხთან დაკავშირებით. საერთოდ გაგებაში არ არიან. ისეთ შეცდომებს უშვებენ, წარმოუდგენელია და იმიტომაც არიან იმ მდგომარეობაში, რა მდგომარეობაშიც იმყოფებიან. ზოგადად, ბოროტებას, სიძულვილს, აგრესიას არანაირი მომავალი არ აქვს ამ ქვეყანაში, მით უმეტეს, პოლიტიკაში და ისინი ყოველთვის განწირული იქნებიან მარცხისთვის“, - განაცხადა კახა კალაძემ.

ავტორი: ექსპრესნიუსი,

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა