“4 ოქტომბერს ქართველმა ხალხმა უნდა დაამტკიცოს, რომ ივანიშვილის ტაქტიკა – დაქსაქსე და იბატონე – აღარ მუშაობს და საქართველოს გადარჩენის გზა მხოლოდ ერთიანობაშია“- წერს “ნაციონალური მოძრაობის” პოლიტსაბჭის თავმჯდომარე ლევან ხაბეიშვილი სოციალურ ქსელში

“გამომყევით, ბოლომდე წაიკითხეთ და სად არ მეთანხმებით გამიზიარეთ

ივანიშვილის ტაქტიკა არის მარტივი - დაშალე, დაქსაქსე და იბატონე. გადაკიდე ერთმანეთს, შური და უნდობლობა გააღვივე, რომ დაჭამონ ერთმანეთი და უყურე სეირს. პარალელურად, გაძარცვე ხალხი, გამდიდრდი და იცხოვრე ნამდვილი ბატონივით.

ინდივიდუალურად წაახალისე ოპოზიციონერი პოლიტიკოსების ეგოები, შეაგულიანე, რომ "ვარსკვლავები" არიან და გაერთე…

ამის შემდეგ  იწყება, რომ გაერთიანდეს ოპოზიცია, პოლიტიკოსები და აი აქ უკვე გამუდმებით ერთი სცენარია - “მე ამასთან არ დავჯდები, მე იმასთან ერთად არ მინდა, ამან რომ "მაშინ" ასე თქვა, მე უფრო რეიტინგული ვარ, მე უფრო ჭკვიანი და ლამაზი ვარ, მე კადრში კარგად გამოვიყურები, ვიზუალი ხელს მიწყობს, გუშინ ბრიტანეთში ვიყავი, ხვალ საელჩოებს ვხვდები, ზეგ ფრენა მაქვს… გუნდთან გავივლი კონსულტაციას, შევიკრიბებით, შევქმნით კომიტეტს, მე მაქვს 16 პუნქტიანი გეგმა, მე მაქვს ნამდვილი სტრატეგია, მე ვიცი როგორ უნდა დავამარცხოთ ბიძინა და ჩემთან მოდით, მე ყველაზე დეტალური ხედვა წარმოვადგინე, მე მაგას როდის ვამბობდი” - და ასე, დაუსრულებელ ბლა-ბლა-ბლაში მიფრინავს დრო.

გამოსავალი არის მარტივი - უბრალოდ დავიკიდოთ ეგ "ყოვლისშემძლე", მძლეთამძლე "პოლიტ-ელიტა" და ხალხი გავერთიანდეთ!!!

ხალხის გაერთიანებას არ აქვს ალტერნატივა!!! არც მათკენ ხელის გაშვერაა სწორი და სამართლიანი.

მუდმივად რომ არ ვეძებოთ "დამნაშავეები", უბრალოდ ინიციატივა აიღოს ხალხმა და გაერთიანდეს ხალხი!!!

ეს არ არის პარტიულ-პოლიტიკური ბრძოლა, ეს არის ბრძოლა საქართველოს გადარჩენისთვის!!! გვჭირდება უპირობო ერთიანობა მხოლოდ ხალხის და არა გამოგონილი, თუ სარდაფში გახსნილი ორკაციანი პარტიების!!!

ნამდვილი, ეროვნული ერთიანობაა საჭირო და არა 1000 პუნქტის გარშემო, არამედ უმარტივესი მიზნის გარშემო - საქართველო უპირველეს ყოვლისა!!!

გავერთიანდეთ საქართველო ივანიშვილის გარეშე მოთხოვნით, მშვიდობიანად დავამხოთ რეჟიმი და ჩავატაროთ თავისუფალი არჩევნები, შემდეგ იქ დაგვიმტკიცონ პოლიტიკოსებმა რომელი, რომელს ჯობია.

4 ოქტომბერი ვაქციოთ გამარჯვების დღედ - ეს ნამდვილად არის ჩვენს ხელში!!!! ყველა გამოვიდეთ რუსთაველზე და ვაჩვენოთ უპრეცედენტო ერთიანობა ქართველი ხალხისა, რაც უპირობოდ მოიტანს მშვიდობიან შემოდგომის რევოლუციას!” - წერს ლევან ხაბეიშვილი

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთში იპოთეკური სესხები 50%-ზე მეტით შემცირდა

რუსეთის მიერ აღიარებულმა თალიბანმა ავღანეთში ბავშვთა ქორწინება დააკანონა

ოცნებამ საპატრიარქოსთვის სარეზერვო ფონდიდან 5 მილიონ 300 ათასი ლარი გამოყო

საპატრიარქო რეზიდენციაში ავტომობილით შეჭრილი მძღოლი - მე მირჩევნია მარტო ვიყო, არ მჭირდება ინტერესების დაცვა