რუსეთის ფედერალური უსაფრთხოების სამსახურის თანამშრომლებმა, აფხაზეთის რესპუბლიკის სახელმწიფო უსაფრთხოების სამსახურთან ერთად, სოხუმის საერთაშორისო აეროპორტის საინჟინრო სამსახურის თანამშრომელი დააკავეს, რომელიც უკრაინის სამხედრო დაზვერვასთან თანამშრომლობდა, - ინფორმაციას რუსული მედია რუსეთის ფედერალური უსაფრთხოების სამსახურის საზოგადოებასთან ურთიერთობის ცენტრზე დაყრდნობით ავრცელებს.

„ეფ-ეს-ბე“-მ, აფხაზეთის რესპუბლიკის სახელმწიფო უსაფრთხოების სამსახურთან თანამშრომლობით, 1980 წელს დაბადებული რუსეთის მოქალაქის უკანონო საქმიანობა აღკვეთა, რომელიც უკრაინის სპეცსამსახურის დავალებით ხორციელდებოდა. დადგინდა, რომ დამნაშავე კონფიდენციალურ თანამშრომლობას აწარმოებდა უკრაინის თავდაცვის სამინისტროს მთავარი სადაზვერვო სამმართველოს წარმომადგენელთან, რომლის დავალებითაც მან უკრაინულ მხარეს მიაწოდა ინფორმაცია იმ სამუშაოს ხასიათის შესახებ, რომელსაც ასრულებდა სოხუმის საერთაშორისო აეროპორტში, სადაც ის საინჟინრო-ტექნიკური სამსახურის სპეციალისტად ირიცხებოდა“, - აცხადებენ რუსეთის ფედერალური უსაფრთხოების სამსახურის საზოგადოებასთან ურთიერთობის ცენტრში.

მათი ცნობით, დაკავებული გეგმავდა უკკრაინისთვის აეროპორტის და მიმდებარე დახურული ავტოსადგომის გეგმა-სქემის გადაცემას, რომელიც ოფიციალური საერთაშორისო დელეგაციების მისაღებად გამოიყენებოდა.

„გეგმა შესაძლოა, გამოყენებულიყო ტერორისტული თავდასხმის განსახორციელებლად ასაფეთქებელი ნივთიერებების ჩადების გზით. დაკითხვის დროს მან აღიარა თავდაცვის სამინისტროს მთავარ სადაზვერვო დირექტორატთან თანამშრომლობა, რომ მიაწოდა ინფორმაცია შესრულებული დავალებების და მისთვის დაკისრებული დავალებების შინაარსის შესახებ, რომელიც ეხებოდა რუსეთის ფედერაციის ოფიციალური პირების მიერ რესპუბლიკაში ვიზიტის შესახებ ინფორმაციის შეგროვებას“, - აცხადებენ რუსეთის ფედერალური უსაფრთხოების სამსახურის საზოგადოებასთან ურთიერთობის ცენტრში.

მათი განმარტებით, ე.წ. აფხაზეთის სახელმწიფო უსაფრთხოების სამსახურის საგამოძიებო დეპარტამენტმა მის წინააღმდეგ სისხლის სამართლის საქმე ჯაშუშობის მუხლით აღძრა.

ავტორი: ექსპრესნიუსი,

სოციალური ქსელები

პენტაგონმა განაცხადა, რომ უკრაინამ რუსეთისთვის Starlink-ის დაბლოკვის შემდეგ თავისი ტერიტორიები დაუბრუნა

აშშ-მ უკრაინისთვის Hawk-ის საჰაერო თავდაცვის სისტემის აღჭურვილობისა და მომსახურების მიყიდვა დაამტკიცა

ტრამპი რუსეთის საზღვარზე დამატებით 5000 ამერიკელ ჯარისკაცს გაგზავნის

ტრამპი აშშ-ის წარმომადგენელს პუტინის ეკონომიკურ ფორუმზე სანქტ-პეტერბურგში გაგზავნის