|
2025-05-24 16:02:10, 587 ნახვა
პოლიტიკა
ანა დოლიძე - ადამიანებს ღირსება აქვთ აყრილი, 21-ე საუკუნეში წყალი არ აქვთ
რა ვაშინგტონზე და ,,დიფსთეითზე“ საუბრობენ, ადამიანებს ღირსება აქვთ აყრილი, 21-ე საუკუნეში წყალი არ აქვთ - ბოროტი „ოცნება“ ყველაფერს აკეთებს იმისთვის, რომ ხალხი გაღარიბდეს,- ამის შესახებ პარტია „ხალხისთვის“ თავმჯდომარემ, ანა დოლიძემ განაცხადა. მისი თქმით, წყლის კომპანია სრულიად კორუმპირებული უწყებაა, რომლის ხელმძღვანელი ახლა დააბრუნეს ინფრასტრუქტურის სამინისტროში. „წლებია მაქვს კამპანია „წყალი ჩვენი უფლებაა“. საქართველოს უდიდესი ტერიტორია ისევ არის უწყლოდ. თბილისიდან 30 წუთში, თეთრიწყაროს რაიონში მოსახლეობას წყალზე წვდომა არ აქვს. „ქართული ოცნება“ რომ მოვიდა ხელისუფლებაში, იმის მერე მილიონები არის გაფლანგული წყლის გაყვანაში. წყლის კომპანია სრულიად კორუმპირებული უწყება, რომლის ხელმძღვანელი ახლა დააბრუნეს ინფრასტრუქტურის სამინისტროში. მთელი გამოძიება უნდა ჩატარდეს წყლის პროექტებთან დაკავშირებით, ამ გამოძიებას მე გავაკეთებ აუცილებლად. საერთოდ ხელისუფლებას არ უნდა ვაძლევდეთ არც ერთ წამს სხვა რამეზე გველაპარაკოს. რა ვაშინგტონზე და „დიფსთეითზე“ საუბრობენ, ადამიანებს ღირსება აქვთ აყრილი, 21-ე საუკუნეში წყალი არ აქვთ. საქართველოში იმ მდგომარეობაში რომ ხარ, როდესაც ფიქრობ ჭაბურღილი დადგა, ბიდონები მოიმარაგო, მერე მიდიხარ საცხოვრებლად იმ ქალაქში, სადაც ქირაც ძვირია, საკვებიც და ყველაფერი. უამრავი ლაივი მაქვს ამ თემაზე ჩაწერილი, ძვრა არ არის ამ მიმართულებით, ადრე გრაფიკით მაინც მოდიოდა. ბოროტი „ოცნება“ ყველაფერს აკეთებს იმისთვის, რომ ხალხი გაღარიბდეს“, - განაცხადა ანა დოლიძემ
დიუშენის კუნთოვანი დისტროფიის მქონე ბავშვების დასახმარებლად უკვე 1 300 000 ლარი შეგროვდა - მარათონი გრძელდება
26 მაისს დაგეგმილ დიდ საპროტესტო აქციას სტუდენტებიც უერთდებიან
NYT: ტრამპის ადმინისტრაცია ისრაელს ირანთან მოლაპარაკებებში გვერდზე უდგას
ზელენსკი: უკრაინის ყოფნა ევროკავშირში სრულფასოვანი უნდა იყოს
|
რედაქტორის რჩევით
რატომ იყენებს სიტყვა „რეჟიმს“ კრიტიკული მედია და როგორ ებრძვის ივანიშვილის ხელისუფლება ტერმინებს
რა მოხდა კოპენჰაგენში რაზეც კობახიძე და სამთავრობო მედია დარდობს
ომი უკრაინაში
უკრაინა თავის ჩრდილოეთ რეგიონებს ბელორუსიიდან შესაძლო შეტევისგან თავდაცვისთვის ამზადებს.
უკრაინამ განაცხადა რუსული დრონების სასწავლო ცენტრის და 65 კურსანტის განადგურების შესახებ
ვიდეო/LIVE პატრიარქის ილია მეორის დაკრძალვა - პირდაპირი
რატომ იყენებს სიტყვა „რეჟიმს“ კრიტიკული მედია და როგორ ებრძვის ივანიშვილის ხელისუფლება ტერმინებს
მთავარი თემა
|


ავტორი: ექსპრესნიუსი,



epn.ge (@expressnews.ge)