გერმანიის კანცლერის ასარჩევად ბუნდესტაგში ხმის მიცემის მეორე ტური დღეს გაიმართება, - ამის შესახებ ინფორმაცია The Guardian-მა „ქრისტიან-დემოკრატიული კავშირის“ საპარლამენტო ფრაქციის ლიდერის, იენს შპანზე დაყრდნობით გაავრცელა.

იენს შპანის განცხადებით, ხმის მიცემის პროცესს სრულიად ევროპა დააკვირდება.

აგრეთვე, მმართველ კოალიციაში შემავალი „სოციალ-დემოკრატიული პარტიის“ თანათავმჯდომარის, ლარს კლინგბეილის თქმით, ფრიდრიხ მერცის გერმანიის კანცლერის თანამდებობაზე დასამტკიცებლად „საჭირო უმრავლესობა იქნება“.

ამავე გამოცემის ცნობით, კენჭისყრის მეორე ტური ადგილობრივი დროით 15:15 საათზე (თბილისის დროით 17:15 საათი) დაიწყება.

შეგახსენებთ, დღეს, გერმანიის პარლამენტმა ხმის მიცემის პირველ ტურში ფრიდრიხ მერცი კანცლერად ვერ აირჩია. „ქრისტიან-დემოკრატიული კავშირის“ ლიდერის, ფრიდრიხ მერცის კანდიდატურას გერმანიის პარლამენტის ქვედა პალატაში მხარი 310-მა დეპუტატმა დაუჭირა, ხოლო მას ბუნდესტაგის წევრების უმრავლესობის, 316 დეპუტატის ხმა სჭირდებოდა.

ავტორი: ექსპრესნიუსი,

სოციალური ქსელები

საპატრიარქო რეზიდენციაში ავტომობილით შეჭრილი მძღოლი - მე მირჩევნია მარტო ვიყო, არ მჭირდება ინტერესების დაცვა

მოქალაეებს ჯარიმის შესახებ ცრუ შეტყობინება ეგზავნებათ- საპატრულო პოლიცია გავფრთხილებას ავრცელებს

შსს-ს ადამიანის უფლებათა დაცვის დეპარტამენტს ცენზურის განხორციელებისთვის მონიტორინგი დაევალა

ფაშინიანი: საქართველო მნიშვნელოვან როლს ასრულებს სომხეთ-ევროპის ურთიერთობებში