|
2025-03-18 19:03:51, 694 ნახვა
პოლიტიკა
გიორგი ვაშაძე - გაბრიელიუს ლანდსბერგისისგან მოვისმინეთ კარგი რჩევები, რომელიც მეტი მხარდაჭერის მოპოვებაში მოგვეხმარება
მთავარია, გაბრიელიუს ლანდსბერგისისგან მოვისმინეთ კარგი რჩევები, რომელიც საგარეო სარბიელზე მეტი მხარდაჭერის მოპოვებაში მოგვეხმარება, – ამის შესახებ „სტრატეგია აღმაშენებლის“ ლიდერმა, გიორგი ვაშაძემ ლიეტუვის ყოფილ საგარეო საქმეთა მინისტრ გაბრიელიუს ლანდსბერგისისა და ოპოზიციის წარმომადგენელთა შეხვედრის შემდეგ განაცხადა. „ძალიან კარგი შეხვედრა იყო. საქართველოსთვის ასეთი ვიზიტები არის ძალიან მნიშვნელოვანი, რადგან ეს არის მხარდაჭერა ქართველი ხალხის. მთავარია, რომ საგარეო საქმეთა ყოფილი მინისტრისგან მოვისმინეთ კარგი რჩევებიც, რომელიც ჩვენ მოგვეხმარება საგარეო სარბიელზე მეტი მხარდაჭერის მოსაპოვებლად. ამაზე გვქონდა საუბარი. ზოგადად, ძალიან ოპტიმისტურად ვარ განწყობილი. ჩვენ აუცილებლად მივაღწევთ როგორც საპარლამენტო არჩევნებს, ასევე პოლიტპატიმრების გათავისუფლებას. მთავარი გადამწყვეტი არის ჩვენი ერთსულოვანი რეზისტანსი, წინააღმდეგობა რაც გვაქვს და იზოლაცია, რომელშიც „ქართული ოცნება“ არის, როგორც შიგნით, ისე ქვეყნის გარეთ“, – განაცხადა ვაშაძემ. ამასთან, კითხვაზე, რა სტატუსით იმყოფება გაბრიელიუს ლანდსბერგისი საქართველოში, ვაშაძემ თქვა: „შეგიძლიათ, ჰკითხოთ, არ დავინტერესებულვარ. საქართველოს კარგი მეგობარია და სერიოზული კონტაქტები აქვს. პატარა კაცი არ არის, დიდი კაცია, ეს თუ გაინტერესებთ.” საქართველოში მყოფი ლიეტუვის ყოფილი საგარეო საქმეთა მინისტრი გაბრიელიუს ლანდსბერგისი ოპოზიციის წარმომადგენლებთან შეხვედრამდე საქართველოს ყოფილ პრეზიდენტს, სალომე ზურაბიშვილს შეხვდა.
კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.
ევროპული კინოს ტრიუმფი კრუაზეტზე: კანის 2026 წლის ფესტივალის შედეგები
ზელენსკიმ კიევში დარტყმის ადგილები მოინახულა
მეუფე დანიელი - ჩვენი დიდი სურვილია, რომ ქვეყანაში დასრულდეს ურთიერთდაპირისპირება
|
რედაქტორის რჩევით
რატომ იყენებს სიტყვა „რეჟიმს“ კრიტიკული მედია და როგორ ებრძვის ივანიშვილის ხელისუფლება ტერმინებს
რა მოხდა კოპენჰაგენში რაზეც კობახიძე და სამთავრობო მედია დარდობს
ომი უკრაინაში
ზელენსკიმ კიევში დარტყმის ადგილები მოინახულა
რუსეთმა უკრაინის მიმართულებით 600 დრონი და 90 რაკეტა გაუშვა, მათ შორის „ორეშნიკი“
ვიდეო/LIVE პატრიარქის ილია მეორის დაკრძალვა - პირდაპირი
რატომ იყენებს სიტყვა „რეჟიმს“ კრიტიკული მედია და როგორ ებრძვის ივანიშვილის ხელისუფლება ტერმინებს
მთავარი თემა
|


ავტორი: ექსპრესნიუსი,



epn.ge (@expressnews.ge)