პარლამენტის ადამიანის უფლებათა დაცვის კომიტეტის თავჯდომარის ეკა ბესელიას შეფასებით, მნიშვნელოვანია, უკრაინაში პრემიერ–მინისტრის ირაკლი ღარიბაშვილის ჩასვლამდე, მინისტრთა გარკვეული ჯგუფი ჩავიდეს.
რადგან, როგორც ბესელია აცხადებს, უკრაინაში პრემიერის ვიზიტამდე ინფორმაციის თვალსაზრისით  გარკვეული სამუშაოებია ჩასატარებელი.
„ის, რომ მინისტრთა გარკვეული ჯგუფებისა და საკმაოდ წარმომადგენლობითი შემადგენლობის უკრაინაში ჩასვლა გადაწყდა, ძალიან კარგი ნაბიჯი იქნება მას შემდეგ, რაც უკრაინას ჰუმანიტარული და პოლიტიკური მხარდაჭერა გამოვუცხადეთ. ვფიქრობ, ასეთი წინმსწრები  თანამშრომლობა იქნება მნიშვნელოვანი.  პრემიერის ვიზიტამდე გარკვეული სამუშაოები, ინფორმაციის თვალსაზრისით, ალბათ ჩასატარებელი იქნება.  ვფიქრობ, ჩვენი მთავრობის წევრები, რომლებიც უკრაინაში პრემიერის ვიზიტის დაწყებამდე ჩასვლას აპირებენ, მნიშვნელოვან სამუშაოებს ჩაატარებენ.  ბუნებრვია, არ არის ჩვეულებრივი ფაქტი ჩვენთვის, როცა ის ადამიანები რომლებიც ჩვენი სამართალდამცავების მხრიდან იძებნებიან და ზოგიერთის მიმართ პატიმრობის ბრძანებაა გამოცემული  ჩვენი სტრატეგიული პარტნიორი ქვეყნის საპასუხისმგებლო თანამდებობებზე ინიშნებოდნენ. ეს იმ ქვეყნისთვის ვერ იქნება სასიკეთო და  კარგის მომტანი, მაშინ როცა მათ ჩვენს ქვეყანაში თავის დროზე ზიანის მეტი ხალხს ვერაფერი მოუტანეს“, – აღნიშნა ბესელიამ.
ცნობისთვის, გუშინ საგარეო საქმეთა მინისტრმა თამარ ბერუჩაშვილმა განაცხადა, რომ  უკრაინას იანვრის ბოლოსკენ  ქართველ მინისტრთა ჯგუფი ეწვევა, პრემიერ-მინისტრის ვიზიტი კი,  ამის შემდგომ განხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა