მარტივად და პირდაპირ - არ დაიჯეროთ, რასაც ოპოზიცია ამბობს, მათ არც პრინციპი და არც თავმოყვარეობა არ აქვთ. როგორც ზემოდან თავისი პატრონები დაუკვეთავენ, ისე მოიქცევიან - ეტყვიან, რომ ადგილობრივ არჩევნებში უნდა მიიღო მონაწილეობა? - ყველა ჩამწკრივდება და მიიღებენ, - ამის შესახებ „ქართული ოცნების“ დეპუტატმა ირაკლი ზარქუამ ჟურნალისტებთან თვითმმართველობის არჩევნებში ოპოზიციის მონაწილეობაზე საუბრისას განაცხადა.

მისი თქმით, ოპოზიცია თავის თავს და ქართველ ხალხს არ წარმოადგენს.

„მარტივად და პირდაპირ - არ დაიჯეროთ, რასაც ოპოზიცია ამბობს, მათ არც პრინციპი და არც თავმოყვარეობა არ აქვთ. როგორც ზემოდან თავისი პატრონები დაუკვეთავენ, ისე მოიქცევიან. ჩამოვა ახალი თუ იგივე ელჩი და ეტყვის, რომ უნდა შევიდნენ პარლამენტში (ვინც შემორჩა) და შემოვლენ. ეტყვიან, რომ ადგილობრივ არჩევნებში უნდა მიიღო მონაწილეობა? - ყველა ჩამწკრივდება და მიიღებენ. იმიტომ, რომ ისინი თავის თავს და ქართველ ხალხს არ წარმოადგენენ. ისინი პატრონების დაქვემდებარებაში არიან. ნახეთ რომელიმე რეგიონში გასულიყო და [ხალხს] შეხვედროდა? ერთი „დოი“ [დავით დოიაშვილი] იყო სადღაც გასული და გზაში დაიკარგა. ერთი ეს კაცი წავიდა ოპოზიციის სახელით და მერე გაქრა, არსად ჩანს - წალენჯიხაში მოვიკითხე და იქ არ ჩასულა, არანაირი დადგმა არ ჩაუტარებია. სად წავიდა, არ ვიცი - ეტყობა, გაიაზრა, რა და როგორ იყო და სახლში მშვიდადაა. რაც შეეხება ოპოზიციას, მე მოლოდინი მაქვს, რომ როგორც ბიუჯეტიდან აიღეს ფული, ზუსტად ასე, ადგილობრივ არჩევნებშიც გაერთიანებულად თუ ცალ-ცალკე პლატფორმებს შექმნიან, „მადამ ფრანცუჟენკაც“ რაღაცას ეტყვის და ეგ არის. არ გვაინტერესებს - „ქართული ოცნება“ დამაჯერებლად გაიმარჯვებს ადგილობრივ არჩევნებში, რადგან საქმის ხალხი ვართ“, - განაცხადა ზარქუამ.

ავტორი: ექსპრესნიუსი,

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები