საქართველოში ევროკავშირის ელჩი პაველ ჰერჩინსკი აცხადებს, რომ საქართველო და ევროკავშირი ურთიერთობებში უმდაბლეს ნიშნულზე იმყოფებიან. ელჩმა აღნიშნა, რომ, მიუხედავად იმისა, რომ სიამოვნებით საუბრობდა დადებით მოვლენებზე, ამის შესაძლებლობა არ არსებობს, რადგან ბოლო დროს საქართველოს საგარეო კურსის ცვლილება და მშვიდობიანი დემონსტრანტების წამება სერიოზული პრობლემა გახდა.

„ჩემი, როგორც ევროკავშირის ელჩის მოვალეობაა, ევროკავშირის პოზიციის წარმოდგენა. ეს არის ის, რასაც მე ვაკეთებ ჩემი მოსვლის პირველივე დღიდან და ამას გავაგრძელებ მომავალშიც.

მე სიამოვნებით შევაქებდი მთავრობას რეფორმების გამო, პოზიტიურს ვიტყოდი მოვლენებზე მაგრამ სამწუხაროდ ,როცა ვსაუბრობთ საქართველოსა და ევროკავშირის ურთიერთობებზე, ეს ურთიერთობები ყველაზე დაბალ ნიშნულზეა. ჩვენ ფინანსური დახმარება შევუჩერეთ მთავრობას, დიპლომატიური პასპორტების მქონე პირები შევზღუდეთ. ჩვენი დახმარება მივმართეთ მთავრობიდან სამოქალაქო საზოგადოებისა და მედიის მიმართულებით რომლებიც რთულ მდგომარეობაშია. ჩემი როლია, რომ საჯაროდ ვისაუბრო, რა სტადიაზეა ურთიერთობები საქართველოსა და ევროკავშირს შორის და მე როგორც ელჩი, ვისურვებდი, რომ სულ სხვა ადგილას ვიყოთ, მაგრამ სამწუხაროდ, რეალობა ასეთია. ევროკავშირმა მიანიჭა ქვეყანას კანდიდატის სტატუსი, თუმცა მას შემდეგ საქართველო დაახლოების ნაცვლად დაშორდა ევროპას. ეს არის, რა თქმა უნდა, სამწუხარო“, - აღნიშნა ელჩმა.

 

ავტორი: ექსპრესნიუსი,

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები