ირაკლი კობახიძემ ჟურნალისტებს განუცხადა, რომ ქვეყნის უსაფრთხოების დაცვისთვის აუცილებელია შესაბამისი კანონმდებლობა, რასაც ემსახურება პარლამენტში დაინიცირებული თითოეული კანონპროექტი, მათ შორის „გამჭვირვალობის შესახებ“ კანონი. მისი თქმით, ეს კანონები განკუთვნილია ქვეყნის ეროვნული უსაფრთხოების უზრუნველსაყოფად და წარმოადგენს „დიფ სთეიტის“ საწინააღმდეგო პაკეტს.

„ჩვენ გვჭირდება ჩვენი ქვეყნის უსაფრთხოების დაცვა, მათ შორის კანონმდებლობით. ამ მიზანს ემსახურება ყველა ის კანონპროექტი, რომელიც დაინიცირდა საქართველოს პარლამენტში, მათ შორის, „გამჭვირვალობის შესახებ“ კანონი. ეს აუცილებელია, რომ ბოლომდე იყოს დაცული ჩვენი ქვეყნის ეროვნული უსაფრთხოება,“ - განაცხადა კობახიძემ.

კობახიძის თქმით, „დიფ სთეითი“ იყო პასუხისმგებელი უკრაინაში ომის დაწყებაზე, მიუხედავად იმისა, რომ ომის თავიდან აცილება შესაძლებელი იყო.  მისივე თქმით, ეს ომი არის უდიდესი დანაშაული უკრაინისა და კაცობრიობის წინაშე, რადგან „დიფ სთეითმა ყველაფერი გააკეთა იმისათვის, რომ სამხედრო აგრესია დაწყებულიყო“, რამაც გამოიწვია უამრავი მსხვერპლი.

 „ეს ომი არ უნდა დაშვებულიყო, თუმცა კონკრეტული ძალები ყველაფერს აკეთებდნენ, რომ ომი შემდგარიყო,“ - აღნიშნა კობახიძემ.

ავტორი: ექსპრესნიუსი,

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები