"საქართველოში მიმდინარე პოლიტიკურ კრიზისსა და ქვეყნის ევროპულ მომავალს საფრანგეთის ევროპის საკითხთა მინისტრ ბენჟამინ ჰადადთან შეხვედრაზე მთავარი ყურადღება დაეთმო."- წერს პარტია "გახარია საქართველოსთვის" ლიდერი, გიორგი გახარია.

მისი თქმით, შეხვედრაზე ასევე აღინიშნა, რომ საჭიროა მკაფიო ზომების მიღება, მათ შორის პოლიტპატიმრების დაუყოვნებლივ გათავისუფლება, დემოკრატიულ გარემოში ახალი არჩევნების ჩატარება და რეგიონული უსაფრთხოების დაცვა რუსული გავლენებისგან.

"საფრანგეთის მინისტრთან ევროპის საკითხებში - ბენჟამინ ჰადადთან შეხვედრა საქართველოში მიმდინარე პოლიტიკურ კრიზისსა და საქართველოს ევროპულ მომავალს შეეხო. 

პრეზიდენტ მაკრონის ლიდერობა მნიშვნელოვანი იყო ევროკავშირის ძალისხმევის მობილიზებისას საქართველოსთან მიმართებით. მე ღრმად ვაფასებ მის ერთგულებას საქართველოს დემოკრატიული გზისადმი. ის მტკიცედ დგას დემოკრატიის უკუსვლისა და ავტორიტარიზმის წინააღმდეგ და შესაბამისად, მას მნიშვნელოვანი როლი აქვს საქართველოში არსებული კრიზისის მოგვარებაში.

ახლა მკაფიო ზომების მიღებაა საჭირო პოლიტპატიმრების დაუყოვნებლივ გასათავისუფლებლად, დემოკრატიულ პირობებში ახალი არჩევნების ჩასატარებლად და რუსული გავლენებისგან რეგიონული უსაფრთხოების დასაცავად."- წერს გახარია სოციალურ ქსელში.

ავტორი: ექსპრესნიუსი,

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი