კოალიცია „ძლიერ საქართველოს“ ერთ-ერთ ლიდერს, გენო თებიძეს, აჭარის უმაღლეს საბჭოში მანდატი შეუწყდა.ამის შესახებ თავად თებიძემ განაცხადა.  

მისი განცხადებით, მანდატები სხვა ოპოზიციურ პარტიებსაც შეუწყვიტეს, გარდა „გახარია საქართველოსთვის“ პარტიისა.

“არალეგიტიმურმა აჭარის უმაღლესმა საბჭომ, ჩვენივე განცხადების საფუძველზე, სადეპუტატო უფლებამოსილება შეგვიწყვიტა. 
მათ კიდევ ერთხელ აღიარეს, რომ აჭარის საკანონმდებლო ორგანოს ჰყავს თვითმარქვია თავმჯდომარე, ვინაიდან, როცა უფლებამოსილების შეწყვეტის შესახებ მივმართე დავით გაბაიძეს, განცხადებაში ე.წ თავმჯდომარე მოხსენიებული იყო, როგორც თვითმარქვია. ამ შეფასების გამო, თავის დროზე წერილს არ იბარებდა კანცელარია. 
არაკონსტიტუციურ უმაღლეს საბჭოში მუშაობაზე უარი არჩევნების შედეგების გამოცხადებისთანავე ვთქვი,  რადგან ის არ ასახავს აჭარის მოსახლეობის ნებას და როგორც ქვეყნის მასშატბით, აქაც ოლიგარქმა მუქარითა და მოსყიდვით მიიტაცა არჩევნები, წაგვართვა ქვეყნისა და რეგიონის გავითარების შესაძლებლობა და ევროპული მომავალი. 

ბრძოლა გრძელდება. აუცილებლად მივაღწევთ ამ ქვეყანაში ხელახალ არჩევნებს, რომელიც დემოკრატიულ და თავისუფალ გარემოში ჩატარდება და ივანიშვილის პოლიციური რეჟიმი სამუდამოდ ჩამოშორდება მმართველობას. წინააღმდეგ შემთხვევაში აჭარაში გვექნება სრული კოლაფსი, როგორც კორუფციის, ასევე ბათუმის ურბანული განადგურები კუთხით. 

აჭარის თვითგამოცხადებულ უმაღლეს საბჭოში უფლებამოსილება შეუწყდა ყველა ოპოზიციურ გაერთიანებას, გარდა პარტია “გახარია საქართველოსთვის”, რაც საზოგადოებაში ობიექტურ კითხვებს აჩენს,” - განაცხადა თებიძემ.

ავტორი: ექსპრესნიუსი,

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე