2025-02-10 21:27:54, 756 ნახვა

---

პირველ არხთან შეკრებილი მოქალაქეები მსვლელობით რუსთაველის გამზირზე შეკრებილ მომიტინგეებს შეუერთდნენ

საზოგადოებრივ მაუწყებელთან შეკრებილმა მოქალაქეებმა საპროტესტო მსვლელობით რუსთაველის გამზირისკენ გადაინაცვლეს.. აქციის მონაწილეები მოითხოვენ პირველი არხის ხელმძღვანელობის გადადგომას და ეთერის დათმობას მოქალაქეებისთვის.

„მოუსმინეთ ხალხის ხმას, ქართველი ხალხი ითხოვს სამართალს, არ გავჩერდებით!“ - სკანდირებენ ისინი, რომლებიც მხარდაჭერას უცხადებენ პროევროპულ აქციაზე დაკავებულ უკანონო მოქალაქეებს და მათი გათავისუფლებას ითხოვენ, ასევე ხელახალ არჩევნებს.

კოსტავას ქუჩაზე შეკრებილმა მოქალაქეებმა საგანგებო განცხადებაც გააკეთეს და მიმართეს პირველი არხის ხელმძღვანელობას, მოითხოვეს ეთერის დათმობა დევნილებისთვის.

„მოგმართავთ თხოვნით, გამოიჩინოთ კეთილსინდისიერება და დაუთმოთ ეთერი დევნილებს. მოგახსენებთ, რომ დევნილმა ზამილ კვეკვესკირმა, რომელმაც პროტესტის უკიდურეს ფორმას მიმართა, რამდენიმე დღის წინ სიცოცხლე თვითმკვლელობით დაასრულა. პასუხისმგებლობისგან ვერ თავისუფლება ვერც საზოგადოებრივი მაუწყებელი, და მეტიც, საკითხისადმი გამოჩენილი გულგრილობა წინააღმდეგობაში მოდის მის დანიშნულებასთან. განდევნილიყოს - ეს არის მინიმუმი, რისი გაკეთებაც დღეს შეგვიძლია. თქვენგან კი ველით ამ მინიმუმის დაკმაყოფილებას. დაუთმეთ ეთერი დევნილებს“, - განაცხადეს პირველ არხთან შეკრებილმა მოქალაქეებმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი