2025-01-23 12:35:20, 374 ნახვა
მსოფლიო
მარკ რუტე - უკრაინის მხარდაჭერა უნდა გავაძლიეროთ
უკრაინის მხარდაჭერა უნდა გავაძლიეროთ, - ამის შესახებ ნატო-ს გენერალურმა მდივანმა, მარკ რუტემ დავოსის ეკონომიკურ ფორუმზე სიტყვით გამოსვლისას განაცხადა.
„უკრაინის მხარდაჭერა ნამდვილად უნდა გავაძლიეროთ და არ შევამციროთ. ფრონტის ხაზი არასწორი მიმართულებით გადაადგილდება“, - განაცხადა მარკ რუტემ.
მისი თქმით, ნატო-ს წევრებს თავდაცვაზე მთლიანი შიდა პროდუქტის 2%-ზე მეტის დახარჯვა მოუწევთ.
„ნამდვილად კრიზისულ რეჟიმში ვართ. წარმოების მხრივ, ნამდვილად ცუდ მდგომარეობაში ვართ“, - აღნიშნა ნატო-ს გენერალურმა მდივანმა.
ავტორი: ექსპრესნიუსი,
epn.ge (@expressnews.ge)
