„დღეს მქონდა მცდელობა, შევხვედროდი შალვა პაპუაშვილს, რომელიც ამ ადმინისტრაციულ შენობაში (პარლამენტში) გადაწყვეტილების მიმღები პირია. მინდოდა მისთვის მეცნობებინა მზია ამაღლობელის ჯანმრთელობის მდგომარეობის შესახებ. მას სხვადასხვა ტიპის ჯანმრთელობის დარღვევები აქვს, თუმცა ღრმა დეტალებში არ შევალ.“ -  ამის შესახებ „ბათუმელების“ რედაქტორმა, ეთერ თურაძემ, პარლამენტის უკანა შესასვლელთან გამართულ აქციაზე განაცხადა.

თურაძე მიიჩნევს, რომ მზია ამაღლობელი პოლიტიკური ინტერესების მსხვერპლია.

„ბათუმელების“ რედაქტორმა შალვა პაპუაშვილს და სხვა პოლიტიკური თანამდებობის პირებს სთხოვა, „შეეშვან მისი და მზია ამაღლობელის გაშავებას“.

„ვთვლი, რომ მზია ამაღლობელი პოლიტიკური ინტერესების მსხვერპლია. შესაბამისად, დღეს მქონდა მცდელობა, შევხვედროდი შალვა პაპუაშვილს პარლამენტში, გადაწყვეტილების მიმღებ პირს. მისთვის ინფორმაციის გადასაცემად მისი თანაშემწეების და სხვა პირების მეშვეობით ვცადე დაკავშირება. ასევე, მივწერე პირადი მესიჯი ტელეფონის ნომერზე, თუმცა მასთან კომუნიკაცია ვერ შედგა. როგორც მითხრეს, მასთან კავშირის დამყარება ვერ შეძლეს და არც ჩემს მესიჯზე უპასუხია.

ახლა კი მინდა გითხრათ, რა მივწერე შალვა პაპუაშვილს. მინდოდა მისთვის მეცნობებინა მზია ამაღლობელის ჯანმრთელობის მდგომარეობა. მას ჯანმრთელობის რამდენიმე სახის დარღვევა აქვს, თუმცა ამ თემაში ღრმა დეტალებში არ შევალ. ასევე, მინდოდა მეთქვა, რომ ამ ქვეყანაში ჯერ კიდევ მოქმედებს კონსტიტუცია და რომ უნდა შეეშვას უდანაშაულობის პრეზუმფციის დარღვევას და მზია ამაღლობელის გაშავებას. ეს არ არის სწორი არც პოლიტიკურად, არც კაცურად და არც ნებისმიერი სხვა გაგებით. არასწორია, როდესაც ქალი, რომელიც სინდისის პატიმარია, ყოველდღიურად ხდება თავდასხმების მსხვერპლი. საჭიროა, რომ თავიანთი სასამართლოს გადაწყვეტილებას დაელოდონ და მხოლოდ ამის შემდეგ განაცხადონ, რომ მზია დამნაშავეა.

ამიტომ მე მოვუწოდებ და ვთხოვ, რომ ეს პროცესი შეწყვიტოს. ასევე, მზად ვარ, მას მარტო შევხვდე და ავუხსნა დეტალები, რადგან მე ვიყავი იმ მოვლენების თვითმხილველი, რაც იმ ადგილზე ხდებოდა. რა თქმა უნდა, მას აქვს უფლება, არ გაიზიაროს ჩემი მონათხრობი, მაგრამ მე მას და სხვა პოლიტიკური თანამდებობის პირებს დაჟინებით ვთხოვ, შეეშვან მზია ამაღლობელის გაშავებას. ისედაც დიდი მანქანა მუშაობს მის წინააღმდეგ და მათ აღარ უნდა დაუშვან ტროლებისა და ბოტების გამოყენება.“ - განაცხადა თურაძემ.

ავტორი: ექსპრესნიუსი,

სოციალური ქსელები

ოცნებამ საპატრიარქოსთვის სარეზერვო ფონდიდან 5 მილიონ 300 ათასი ლარი გამოყო

საპატრიარქო რეზიდენციაში ავტომობილით შეჭრილი მძღოლი - მე მირჩევნია მარტო ვიყო, არ მჭირდება ინტერესების დაცვა

მოქალაეებს ჯარიმის შესახებ ცრუ შეტყობინება ეგზავნებათ- საპატრულო პოლიცია გავფრთხილებას ავრცელებს

შსს-ს ადამიანის უფლებათა დაცვის დეპარტამენტს ცენზურის განხორციელებისთვის მონიტორინგი დაევალა