|
2016-03-03 22:37:50, 386 ნახვა
პოლიტიკა
დავით უსუფაშვილი: კოალიციის დაშლაზე საუბარი არ ყოფილა
„შეხვედრაზე კოალიციის არანაირ დაშლაზე საუბარი არ ყოფილა“, - ამის შესახებ პარლამენტის თავმჯდომარე დავით უსუფაშვილმა „რესპუბლიკური პარტიისა“ და პრემიერის შეხვედრის შემდეგ ჟურნალისტებს განუცხადა. კითხვაზე - დარჩება თუ არა თინა ხიდაშელი თავდაცვის მინისტრის თანამდებობაზე, უსუფაშვილმა ასე უპასუხა: „მე გეუბნებით სტრატეგიულ თანამშრომლობაში ვართ და უფრო მჭიდრო თანამშრომლობის გეგმებზე ვისაუბრეთ და მეკითხებით ვინმე დარჩება თუ წავა თანამდებობიდან? ეს არარელევანტურია. კოალიციის არანაირ დაშლაზე არ იყო საუბარი კოალიციაში, შესაძლო ცვლილებებზე პრემიერმა თავის განცხადებაშიც ისაუბრა. პრემიერი საუბრობდა იმ შესაძლო და საჭირო ცვლილებებზე, რაც შეიძლება მოიტანოს შემდგომმა პროცესმა, მაგრამ ჩვენ შევჯერდით, რომ ამ თემაზე „რესპუბლიკელები“ და პარტია „ქართული ოცნება“ პრემიერთან უფრო მჭიდრო ურთიერთობისკენ წავალთ და არა რაიმე სხვა, პირიქით“, - განაცხადა დავით უსუფაშვილმა. ცნობისთვის, შეხვედრა საქართველოს პრემიერ-მინისტრ გიორგი კვირიკაშვილის მიერ დღეს გავრცელებული საგანგებო განცხადების შემდეგ, თავდაცვის მინისტრისა და მისი თანაპარტიელების თხოვნით შედგა. პრემიერ-მინისტრი კოალიციაში, "რესპუბლიკელებსა" და "მრეწველებს" შორის არსებულ დაპირისპირებას სპეციალური განცხადებით დღეს კიდევ ერთხელ გამოეხმაურა და მხარეებს მოუწოდა სადავო საკითხები კოალიციის შიგნით განიხილონ, წინააღმდეგ შემთხვევაში კი, როგორც პრემიერ-მინისტრი და კოალიციის ლიდერი ცვლილებებს განახორციელებს.
სოფელ წინაკვერკვეში მეწყრული პროცესები ვითარდება
ზელენსკი: მივიღეთ ცნობები, რომ რუსეთი ჩვენ წინააღმდეგ ორეშნიკის გამოყენებისთვის ემზადება
ჩეხეთის პრეზიდენტმა რუსეთს ინტერნეტთან კავშირის გათიშვა შესთავაზა.
დიუშენის კუნთოვანი დისტროფიის მქონე ბავშვების დასახმარებლად უკვე 1 300 000 ლარი შეგროვდა - მარათონი გრძელდება
|
რედაქტორის რჩევით
რატომ იყენებს სიტყვა „რეჟიმს“ კრიტიკული მედია და როგორ ებრძვის ივანიშვილის ხელისუფლება ტერმინებს
რა მოხდა კოპენჰაგენში რაზეც კობახიძე და სამთავრობო მედია დარდობს
ომი უკრაინაში
უკრაინა თავის ჩრდილოეთ რეგიონებს ბელორუსიიდან შესაძლო შეტევისგან თავდაცვისთვის ამზადებს.
უკრაინამ განაცხადა რუსული დრონების სასწავლო ცენტრის და 65 კურსანტის განადგურების შესახებ
ვიდეო/LIVE პატრიარქის ილია მეორის დაკრძალვა - პირდაპირი
რატომ იყენებს სიტყვა „რეჟიმს“ კრიტიკული მედია და როგორ ებრძვის ივანიშვილის ხელისუფლება ტერმინებს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)