2025 წლის 9 იანვარს, შეერთებული შტატების მომავალი სახელმწიფო მდივნის, მარკო რუბიოს სახელზე გაგზავნილ წერილში კონგრესის წევრებმა „ქართული ოცნების“ „ავტორიტარულ მმართველობაზე“, „არჩევნების გაყალბებაზე“ და საქართველოს „რუსეთის, ირანისა და ჩინეთის გავლენისკენ გადახრაზე“ გაამახვილეს ყურადღება.

წერილი, რომელსაც საფუძვლად ეყრდნობა საქართველოში ბოლო დროს განვითარებული მოვლენები, მათ შორის სადავო არჩევნები, მედიისა და სამოქალაქო საზოგადოების წინააღმდეგ განხორციელებული ზეწოლა, მოითხოვს საქართველოს პოლიტიკური და ბიზნეს ელიტის 25 პირის სანქცირებას.

დოკუმენტში დასახელებულია ბიძინა ივანიშვილის ოჯახის წევრები, „ქართული ოცნების“ ლიდერები და ბიზნესმენები, რომლებიც წერილის თანახმად, ივანიშვილის რეჟიმის „მაცოცხლებელ ქსელს“ წარმოადგენენ.

სანქცირებისთვის განკუთვნილი პირების სია მოიცავს:

ბიძინა ივანიშვილის ოჯახისა და ახლო წრის წევრებს: ეკატერინა ხვედელიძე, ალეკო ივანიშვილი, უჩა მამაცაშვილი და შმაგი კობახიძე.

„ქართული ოცნების“ ლიდერებსა და სახელმწიფო თანამდებობის პირებს: ნათია თურნავა, კახა ბექაური, თორნიკე რიჟვაძე, გრიგოლ ლილუაშვილი, ვახტანგ გომელაური, კახა კალაძე, ირაკლი კობახიძე, ლაშა ნაცვლიშვილი და ვასილ მაღლაფერიძე.

კორუმპირებული ფინანსური მუშაკები და ბიზნესმენები: ირაკლი რუხაძე, სოსო ფხაკაძე, ხვიჩა მაქაცარია, ირაკლი გილაური, ვანო ჩხარტიშვილი, გიორგი კაპანაძე, ილია წულაია, ნოშრევან ნამორაძე და ვიქტორ ჯაფარიძე.

მოსამართლეები: მიხეილ ჩინჩალაძე და ლევან მურუსიძე.

წერილში აღნიშნულია, რომ ბიძინა ივანიშვილის ძალაუფლება სწორედ ამ პირების „მაცოცხლებელ ქსელს“ ეყრდნობა, და მათი სანქცირება გადამწყვეტი ნაბიჯია ავტორიტარული რეჟიმის დასუსტებისთვის.

ამ წერილს წინ უსწრებდა ბიძინა ივანიშვილის მიმართ 2024 წლის 27 დეკემბერს დაწესებული სანქციები, რომლებიც შეერთებული შტატების სახაზინო დეპარტამენტის მიერ იქნა გამოცხადებული და მოიცავდა Credit Suisse-ის ბანკთან მის დავასაც.

ამერიკული მხარის პოზიცია

კონგრესის წერილში ხაზგასმულია, რომ აშშ-ის მხრიდან ივანიშვილის სანქცირება პოზიტიური ნაბიჯია, თუმცა საკმარისი არაა და აუცილებელია მისი „მაცოცხლებელთა ქსელის“ დესტრუქციული როლის აღიარება და შესაბამისი ზომების მიღება.

ავტორი: ექსპრესნიუსი,

სოციალური ქსელები

Euractiv: ევროკავშირს სურს მოლაპარაკებების დაწყება უკრაინის 18 ივნისის სამიტში ჩართვასთან დაკავშირებით.

გვარამია: ხალხისთვის ხელის შეშლას არ ვაპირებთ, როცა დაიშლებიან, მოვახდენთ სცენის მონტაჟს

NATO-ს სამეკავშირეო ოფისი: ვუერთდებით ქართველ ხალხს საქართველოს დამოუკიდებლობის დღის აღნიშვნაში

გერმანიის ელჩი: 26 მაისი სიმბოლურად გამოხატავს საქართველოს სწრაფვას თავისუფლებისა და დემოკრატიისკენ