2024-12-17 21:04:23, 398 ნახვა

---

რუმინეთის საგარეო - ევროკავშირთან დიალოგის შესახებ საქართველოს მთავრობის გადაწყვეტილებით ღრმად შეშფოთებულები ვართ

ღრმად შეშფოთებულები ვართ საქართველოს მთავრობის გადაწყვეტილებით ევროკავშირთან დიალოგის შესახებ,- ამის შესახებ ნათქვამია განცხადებაში, რომელსაც რუმინეთის საგარეო საქმეთა სამინისტრო X-ზე ავრცელებს.

დიპლომატიური უწყება ასევე გამოხატავს იმედგაცრუებას „ევროკავშირის დონეზე გამართული შიდა დისკუსიების არაზუსტად წარმოჩენის არჩევანით“.

„ღრმად იმედგაცრუებული ვართ ევროკავშირის დონეზე გამართული შიდა დისკუსიების არაზუსტად წარმოჩენის არჩევანით.

ჩვენ ამ შესაძლებლობას ვიყენებთ იმის ხაზგასასმელად, რომ ღრმად შეშფოთებულები ვართ საქართველოს მთავრობის გადაწყვეტილებით ევროკავშირთან დიალოგის შესახებ და ქართველების ლეგიტიმური საპროტესტო გამოსვლების ძალადობრივი ჩახშობის გამო“,- აღნიშნულია საგარეო უწყების განცხადებაში.

შეგახსენებთ, დღეს, 17 დეკემბერს საქართველოს პრემიერ-მინისტრმა, ირაკლი კობახიძემ მადლობა გადაუხადა 5 ქვეყანას, რომლებმაც მისი თქმით, „ქართველი ხალხის მხარდამჭერი პოზიცია დააფიქსირეს ევროკავშირის საბჭოზე“.

„ესენი არიან: უნგრეთი, სლოვაკეთი, იტალია, ესპანეთი და რუმინეთი. მათ დაიცვეს ქართველი ხალხის ინტერესები ევროკავშირის საბჭოზე“,- განაცხადა კობახიძემ მთავრობის ადმინისტრაციაში გამართულ ბრიფინგზე.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი