2024-12-02 22:20:12, 431 ნახვა

---

სირაძე - მივიღეთ გადაწყვეტილება, ვინაიდან თავიდანვე ძალადობით დაიწყო აქცია, თავიდანვე დაგვეწყო ღონისძიება

დღეს მივიღეთ გადაწყვეტილება, ვინაიდან თავიდანვე აგრესიითა და ძალადობით დაიწყო აქცია, თავიდანვე დაგვეწყო ღონისძიება და გამოგვეყენებინა პროპორციული ძალა,- ამის შესახებ თბილისის საპატრულო პოლიციის დეპარტამენტის უფროსმა, ვაჟა სირაძემ განაცხადა.

როგორც სირაძემ მედიის წარმომადგენლებთან საუბრისას აღნიშნა, მომიტინგეები ისროდნენ სხვადასხვა საგანს და იყენებდნენ პიროტექნიკას.

„ბოლო დღეებია აქცია მიმდინარეობს ძალადობრივ რეჟიმში. დღევანდელი აქცია დასაწყისიდანვე დაიწყო ძალადობრივად. სანამ შეიკრიბებოდა ხალხის დიდი რაოდენობა 400-კაციანმა ჯგუფებმა თავიდანვე დაიწყეს სხვადასხვა საგნისა და პიროტექნიკის სროლა. იყო შეურაცხყოფების მიყენება პოლიციელების მიმართ, რის გამოც, იძულებულები გავხდით, დაგვეწყო ღონისძიება და გამოგვეყენებინა პროპორციული ძალა“,- თქვა სირაძემ. 

შეგახსენებთ, ამ წუთებში თბილისში, რუსთაველის გამზირზე საპროტესტო აქცია მიმდინარეობს. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი