2024-10-29 14:42:19, 435 ნახვა
მსოფლიო
„ჰეზბოლას“ ახალი ლიდერი ნაიმ ყასემი გახდა
„ჰეზბოლამ“ ახალი ლიდერი დაასახელა. ამის შესახებ ინფორმაციას BBC ავრცელებს.
BBC-ის ცნობით, დაჯგუფებამ ახალ ხელმძღვანელად ნაიმ ყასემი გამოაცხადა, რომელიც მანამდე „ჰეზბოლას“ გენერალური მდივნის მოადგილის პოსტს იკავებდა.
დაჯგუფებამ ახალი ლიდერის დასახელების გადაწყვეტილება მას შემდეგ მიიღო, რაც 27 სექტემბერს, ლიბანის დედაქალაქ ბეირუთში ისრაელის საჰაერო დარტყმას „ჰეზბოლას“ ხელმძღვანელი ჰასან ნასრალა ემსხვერპლა.
ნასრალას სიკვდილის შემდეგ, დაჯგუფების შემცვლელად ჰაშემ საფიედინი მოიაზრებოდა, თუმცა 4 ოქტომბერს, ისრაელის მიერ ბეირუთში მდებარე "ჰეზბოლას" მიწისქვეშა სადაზვერვო შტაბ-ბინაზე იერიშის შედეგად, ისიც დაიღუპა.
ავტორი: ექსპრესნიუსი,
epn.ge (@expressnews.ge)
