2024-10-28 16:37:24, 418 ნახვა

---

ანჯეი დუდა - სალომე ზურაბიშვილთან განვიხილე ღრმად შემაშფოთებელი ვითარება, რომელიც არჩევნებს საქართველოში მოჰყვა

სატელეფონო საუბარი მქონდა საქართველოს პრეზიდენტ სალომე ზურაბიშვილთან, განვიხილეთ საპარლამენტო არჩევნების შემდეგ საქართველოში შექმნილი ღრმად შემაშფოთებელი ვითარება, - ამის შესახებ პოლონეთის პრეზიდენტი ანჯეი დუდა სოციალურ ქსელ X-ზე წერს.

დუდას განცხადებით, ზურაბიშვილთან სატელეფონო საუბრისას, ქართველი ერის ევროატლანტიკური მისწრაფებების მიმართ პოლონეთის ურყევი მხარდაჭერა დაადასტურა.

"ახლახან სატელეფონო საუბარი მქონდა საქართველოს პრეზიდენტ სალომე ზურაბიშვილთან. განვიხილეთ ღრმად შემაშფოთებელი ვითარება, რომელიც მოჰყვა ბოლო საპარლამენტო არჩევნებს საქართველოში. მე კიდევ ერთხელ გავიმეორე პოლონეთის ურყევი მხარდაჭერა ქართველი ერის ევროატლანტიკური მისწრაფებების მიმართ",- წერს ანჯეი დუდა X-ზე.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი