იუსტიციის სამინისტრო პრეზიდენტის ადმინისტრაციის წარმომადგენელს უწყებათაშორისი კომისიის სხდომაზე იბარებს. ამის შესახებ იუსტიციის მინისტრმა, რატი ბრეგაძემ ჟურნალისტებთან საუბრისას განაცხადა.

როგორც ბრეგაძემ აღნიშნა, ადმინისტრაციის წარმომადგენლის დაბარების მიზეზი პრეზიდენტ სალომე ზურაბიშვილის განცხადება გახდა.

"ჩვენ შევთანხმდით, რომ საქართველოს პრეზიდენტის ადმინისტრაციას კიდევ ერთხელ გავუგზავნით წერილს და მოვუწოდებთ, რომ შემდგომ კომისიის სხდომაზე აუცილებლად გამოცხადდეს პრეზიდენტის ადმინისტრაციის წარმომადგენელი და გააკეთოს განცხადება პრეზიდენტის იმ სიტყვებთან დაკავშირებით, რომლითაც ის აღნიშნავს, რომ საარჩევნო დღეს პრეზიდენტის ადმინისტრაციაში მათ ერთად უნდა იზეიმონ გამარჯვება, იმიტომ, რომ როგორც უკვე აღვნიშნე, ეს განცხადება, შესაძლებელია, შეიცავდეს საარჩევნო კანონმდებლობის დარღვევას",- თქვა ბრეგაძემ.

მისივე განცხადებით, პრეზიდენტის ადმინისტრაციის წარმომადგენელი უწყებაში დღესაც იყო დაბარებული, თუმცა სხდომაზე ორბელიანების სასახლიდან არავინ მისულა.

"განმარტებების გასაკეთებლად მოწვეული იყო საქართველოს პრეზიდენტის ადმინისტრაციის წარმომადგენელი, რომელიც სამწუხაროდ, არ გამოცხადდა. ეს ნათლად მიუთითებს იმ გარემოებაზე, რომ პრეზიდენტი არ არის განწყობილი საარჩევნო საკითხებზე სათანამშრომლოდ",- ამბობს ბრეგაძე.  

ავტორი: ექსპრესნიუსი,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია