იუსტიციის უმაღლეს საბჭოში სხდომა მიმდინარეობს. მთავარი თემა თბილისის საქალაქო სასამართლოს თავმჯდომარის მამუკა ახვლედიანის საქმიანობაა. აღნიშნულთან დაკავშირებით საბჭოს წევრი შოთა გეწაძე სპეციალურ პრეზენტაციას წარადგენს.

"აქ საუბარია შესაძლო დარღვევებზე. როგორც ჩანს, საქალაქო სასამართლოს თავმჯდომარის მიერ გადაწყვეტილია ისეთი საკითხები, რომელთა გადაწყვეტაც შედიოდა და დღესაც შედის იუსტიციის უმაღლესი საბჭოს კომპეტენციაში. მაგალითად, საერთო სასამართლოების შესახებ ორგანული კანონით, საბჭოს ერთ-ერთი უფლებამოსილებაა,  მოსამართლეთა ვიწროსპეციალიზაციის განხორციელება და ეს, როგორც ჩანს,  განხორციელებულია თავად სასამართლოს თავმჯდომარის მიერ და არა იუსტიციის უმარლესი საბაჭოს მიერ", - განაცხადა შოთა გეწაძემ.

იუსტიციის უმაღლესი საბჭოს წევრები  საქალაქო სასამართლოს თავმჯდომარის შესაძლო დისციპლინურ  გადაცდომებზე საუბრობენ:

"გადაწყვეტილება მიღებული იქნება. აქ შესაძლოა, დისციპლინური სამართალდარღვევაც გამოვლინდეს. არც ესაა გამორიცხული", - აღნიშნა იუსტიციის უმაღლესი საბჭოს წევრმა ვახტანგ თორდიამ.

სხდომაზე თბილისის საქალაქო სასამართლოს თავმჯდომარე მიწვეულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებული ძალების თავდასხმების გამო, პუტინმა რუსეთში საზოგადოებრივი გადაადგილება სრულად შეაჩერა

რუსეთში ვარდები და მიხაკები გაძვირდება სომხეთიდან ყვავილების იმპორტის აკრძალვის გამო

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები