"ჰეზბოლა" დაჯგუფების ერთ-ერთი ლიდერის, ფუად შუქრის დაღუპვას არ ადასტურებს. ამის შესახებ ინფორმაციას BBC ავრცელებს.

მედიის ცნობით, როგორც "ჰეზბოლა" ამბობს, შუქრი თავდასხმისას შენობაში იმყოფებოდა.

დაჯგუფებაში აცხადებენ, რომ ჯერ კიდევ მიმდინარეობს ნანგრევების გაწმენდა და არის მოლოდინი, დაჯგუფების ლიდერი ცოცხალი იყოს.

შეგახსენებთ, ისრაელის თავდაცვის ძალები აცხადებენ, რომ ლიბანის დედაქალაქ ბეირუთში განხორციელებული საჰაერო თავდასხმის შედეგად, დაჯგუფება “ჰეზბოლას“ მეთაური ფუად შუქრი მოკლეს. ბეირუთი ისრაელმა გუშინ, 30 ივლისს დაბომბა.

შუქრი, რომელიც ასევე ცნობილია როგორც ჰაჯ მოჰსინი, "ჰეზბოლას" ყველაზე გავლენიანი სამხედრო მეთაური იყო, რომელსაც დაჯგუფების ლიდერის, ჰასან ნასრალას უფროს სამხედრო მრჩევლად, "მარჯვენა ხელად“ იცნობდნენ.

ავტორი: ექსპრესნიუსი,

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები