2024-07-24 16:59:16, 433 ნახვა

---

პესკოვი - კულებას განცხადება კრემლის პოზიციასთან უნისონშია, მაგრამ ჩვენ დამატებით განმარტებებს უნდა დაველოდოთ

უკრაინის საგარეო საქმეთა მინისტრ დმიტრო კულებას განცხადება, რუსეთთან მოლაპარაკების პროცესისთვის მზადყოფნის შესახებ, კრემლის პოზიციასთან უნისონშია, მაგრამ ჩვენ უნდა დაველოდოთ დამატებით განმარტებებს,- ამის შესახებ რუსეთის პრეზიდენტის პრესმდივანმა, დიმიტრი პესკოვმა განაცხადა.

პესკოვის თქმით, რუსეთს მოლაპარაკებებზე "უარი არასდროს უთქვამს".

"რეალურად ვიცით პეკინიდან, რომ ასეთი განცხადება გაკეთდა ბ-ნ ვანგ ისთან შეხვედრაზე. მოგეხსენებათ, რუსულ მხარეს არასდროს უთქვამს უარი მოლაპარაკებებზე და ყოველთვის ინარჩუნებდა ღიაობას მოლაპარაკებების პროცესის მიმართ",- თქვა პესკოვმა.

ცნობისთვის, უკრაინის საგარეო საქმეთა მინისტრმა, დმიტრო კულებამ ჩინეთში ვიზიტის დროს, ქვეყნის საგარეო საქმეთა მინისტრ ვანგ ისთან შეხვედრაზე თქვა, რომ "უკრაინამ გამოთქვა მზადყოფნა რუსეთთან გონივრული და კონსტრუქციული მოლაპარაკებებისთვის სამართლიანი და ხანგრძლივი მშვიდობის მისაღწევად".

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი