საქართველოს თავდაცვის მინისტრის პირველი მოადგილე ოფიციალური ვიზიტით  ბრიუსელში იმყოფება.

თავდაცვის სამინისტროს ინფორმაციით, გოჩა რატიანი ნატოს შტაბ-ბინაში, ნატო-საქართველოს პროფესიული განვითარების პროგრამის სამეთვალყურეო საბჭოს სხდომას დაესწრო.

მინისტრის პირველმა მოადგილემ სხდომის მონაწილეებს სიტყვით მიმართა და ალიანსის წევრ ქვეყნებს საქართველოს მხარდაჭერისთვის მადლობა გადაუხადა.

გამოსვლაში მან ყურადღება გაამახვილა თავდაცვის სამინისტროში მიმდინარე რეფორმებზე, ნატო-საქართველოს არსებითი პაკეტის განხორციელების მნიშვნელობაზე, ნატო-საქართველოს პროფესიული განვითარების მიმდინარეობასა და უწყების სამომავლო პრიორიტეტებზე.

მინისტრის მოადგილის განცხადებით, თავდაცვის სამინისტროს პრიორიტეტები იქნება თავდაცვის მენეჯმენტის სისტემის გაუმჯობესება, თავდაცვისუნარიანობის გაძლიერება, ნატო-საქართველოს არსებითი პაკეტის ეფექტური განხორციელება და თავდაცვის სისტემაში რეფორმის ინსტიტუციონალიზაცია.

გარდა ამისა, გოჩა რატიანმა ნატო-საქართველოს არსებითი პაკეტის ფარგლებში ერთობლივი წვრთნისა და შეფასების ცენტრისა და  თავდაცვის ინსტიტუციური აღმშენებლობის სკოლის ჩამოყალიბების მნიშვნელობაზე ისაუბრა. ყურადღება გამახვილდა  პროფესიული განვითარების ცენტრის განვითარების პერსპექტივებზეც.

სამდღიანი ვიზიტის ფარგლებში, საქართველოს თავდაცვის მინისტრის პირველი მოადგილე შეხვედრებს გამართავს ნატოს გენერალური მდივნის სპეციალურ წარმომადგენელთან სამხრეთ კავკასიასა და ცენტრალურ აზიაში ჯეიმს აპატურაისთან, ნატოს გენერალური მდივნის თანაშემწის მოადგილესთან თავდაცვის პოლიტიკის და დაგეგმვის საკითხებში ჯონათან პერიშთან, ნატოს გენერალური მდივნის სპეციალურ წარმომადგენელთან გენდერული მიმართულებით ელჩ მარია შურმანთან და კეთილსინდისიერების ამაღლების ჯგუფის წარმომადგენლებთან.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

WSJ: ისრაელი საიდუმლო ჯგუფს ქმნის 7 ოქტომბრის თავდამსხმელების დასაჭერად

მერცმა უკრაინას ევროკავშირში „ასოცირებული“ წევრობის სტატუსი შესთავაზა

თიბისი The Banker’s Technology Awards 2026-ის გამარჯვებულია

უკრაინულმა დრონებმა სამარის რეგიონში ნავთობგადამამუშავებელ ქარხანას დაარტყეს, ორი ადამიანი დაიღუპა