ისრაელმა ირანზე სარაკეტო დარტყმა განახორციელა. ამის შესახებ ინფორმაციას CBS News-ი ირანის სახელმწიფო მედიასა და აშშ-ის ორ ოფიციალურ პირზე დაყრდნობით ავრცელებს.

მედიის ცნობით, დარტყმა გასულ კვირას ისრაელის წინააღმდეგ განხორციელებულ სარაკეტო თავდასხმას მოჰყვა, რომელზეც პრემიერ-მინისტრმა, ბენიამინ ნეთანიაჰუმ პირობა დადო, რომ უპასუხებდა.

„შეერთებულმა შტატებმა და ისრაელის სხვა მოკავშირეებმა ნეთანიაჰუს თავშეკავებისკენ მოუწოდეს, ირანის მიმართ ნებისმიერი შესაძლო პასუხის დროს. აშშ-ის ოფიციალურმა პირებმა განაცხადეს, რომ ქვეყანა არ მიიღებს მონაწილეობას ისრაელის საპასუხო დარტყმაში“, - წერს CBS News.

ირანის სახელმწიფო მედიის მიხედვით, საჰაერო თავდასხმა რამდენიმე პროვინციაში განხორციელდა.

მათივე ინფორმაციით, აფეთქებების ხმა ყველგან ისროდა, თუმცა მიზეზს არ ასახელებენ.

შეგახსენებთ, 14 აპრილს, ირანმა ისრაელის მიმართულებით ასობით დრონი და რაკეტა გაუშვა. გაშვებული რაკეტების და დრონების 99 % ისრაელმა და აშშ-მა ერთობლივად ჩამოაგდეს. ისრაელზე ირანის თავდასხმის შემდეგ, სამედიცინო დახმარება 31-მა ადამიანს დასჭირდა.

ავტორი: ექსპრესნიუსი,

სოციალური ქსელები

ირანი დათანხმდა გამდიდრებული ურანი ჩინეთში გაიტანოს

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა