შუახევის მერი ომარ ტაკიძე, შუბნის საჯარო სკოლაში ღვაწლმოსილი პედაგოგის ოთარ ფუტკარაძის 70  წლისადმი მიძღვნილ  საიუბილეო  საღამოს დაესწრო. ამის შესახებ ინფორმაციას შუახევის მუნიციპალიტეტის მერია ავრცელებს.

მერიის ცნობით, ომარ ტაკიძემ, ღვაწლმოსილ პედაგოგს იუბილე მიულოცა, წარმატებული შემოქმედებითი მოღვაწეობა უსურვა და საგანმანათლებლო სფეროში ხანგრძლივი და ნაყოფიერი საქმიანობისთვის მადლობის სიგელი გადასცა.

“დამსახურებული პედაგოგი 50 წელზე მეტია პროფესიული ერთგულებით, კეთილსინდისიერად დღემდე  ემსახურება საგანმანათლებლო სფეროს. ბათუმის შ. რუსთაველის სახელმწიფო პედაგოგიური ინსტიტუტის დასრულების შემდეგ პედაგოგიური მოღვაწეობა სხეფისა და მახალაკიძეების საჯარო სკოლაში დაიწყო. 

1976 წლიდან დღემდე შუბნის საჯარო სკოლის ქართული ენისა და ლიტერატურის სერთიფიცირებული მასწავლებელია, იყო ამავე სკოლის დირექტორი და დირექტორის მოადგილე. მინიჭებული აქვს წამყვანი მასწავლებლის სტატუსი. 

პედაგოგიურ საქმიანობასთან ერთად, ეწევა შემოქმედებით საქმიანობას. მისი ავტორობით გამოიცა ლექსების კრებული ,, მთიდან ამოთქმული ბწკარები“.

ომარ ტაკიძესთან ერთად, პედაგოგებს იუბილე მერის მოადგილე რუსუდან შავაძემ, საკრებულოს თავმჯდომარე როსტომ ლორთქიფანიძემ, აჭარის უმაღლესი საბჭოს მაჟორიტარმა დეპუტატმა ფრიდონ ფუტკარაძემ, რესურსცენტრის ხელმძღვანელმა ედუარდ გოგრაჭაძემ, თვითმმართველობის წარმომადგენლებმა, სკოლის პედაგოგებმა და მოსწავლეებმა მიულოცეს”, - ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

GCCA საოჯახო კალათის პროგრამაში შემავალი საბაზისო პროდუქტების საინფორმაციო პორტალს ქმნის

დიდი შვიდეულიდან ბრიტანეთი პირველი ქვეყანაა, რომელმაც სპარსეთის ქვეყნებთან გრძელვადიანი სავაჭრო შეთანხმებას მიაღწია

WSJ: ისრაელი საიდუმლო ჯგუფს ქმნის 7 ოქტომბრის თავდამსხმელების დასაჭერად

მერცმა უკრაინას ევროკავშირში „ასოცირებული“ წევრობის სტატუსი შესთავაზა