ღაზაში, ტანჯვის უზარმაზარი მასშტაბის გათვალისწინებით, დაუყოვნებლივ უნდა მოხდეს ცეცხლის შეწყვეტა,- ამის შესახებ ამერიკის შეერთებული შტატების ვიცე-პრეზიდენტმა, კამალა ჰარისმა განაცხადა.

როგრც ჰარისმა ალაბამაში გამართულ ღონისძიებაზე სიტყვით გამოსვლისას აღნიშნა, ტერორისტული დაჯგუფება "ჰამასი" შეთანხმების პირობებს უნდა დაეთანხმოს.

"ღაზაში, ტანჯვის უზარმაზარი მასშტაბის გათვალისწინებით, დაუყოვნებლივ უნდა მოხდეს ცეცხლის შეწყვეტა. მაგიდაზე არის შეთანხმება და როგორც უკვე ვთქვით, "ჰამასი" უნდა დაეთანხმოს ამ შეთანხმებას. ღაზაში ხალხი შიმშილობს. პირობები არაადამიანურია. ისრაელის მთავრობამ მეტი უნდა გააკეთოს დახმარების ნაკადის საგრძნობლად გაზრდისთვის. ამას არანაირი გამართლება არ აქვს",- ამბობს ჰარისი.

ცნობისთვის, ამერიკის შეერთებული შტატების ოფიციალურმა პირებმა განაცხადეს, რომ ისრაელი ღაზას სექტორში საომარი მოქმედებების 6 კვირით შეჩერებას დათანხმდა. აღნიშნულის შემდეგ ისრაელის მედიამ გაავრცელა ინფორმაცია, რომლის მიხედვითაც, "ჰამასი" უარს ამბობს ისრაელისთვის ცოცხალი მძევლების სიის მიწოდებაზე, რის გამოც ისრაელი ეგვიპტეში მომლაპარაკებელთა ჯგუფს არ გაგზავნის.

ავტორი: ექსპრესნიუსი,

სოციალური ქსელები

გერმანიის ელჩი: 26 მაისი სიმბოლურად გამოხატავს საქართველოს სწრაფვას თავისუფლებისა და დემოკრატიისკენ

სვეტლანა ტიხანოვსკაია- ბელარუსებსა და ქართველებს ერთი და იგივე ხედვა აქვთ: იცხოვრონ როგორც თავისუფალმა, სუვერენულმა ევროპულმა ერებმა

დამოუკიდებლობის დღესთან დაკავშირებით საქართველო მისალოც წერილებს იღებს - განახლებადი

პაპუაშვილი: ზოგიერთს დღესაც სურს, არ ვიდგეთ ფეხზე, მათ წესებს მივყვეთ, საკუთარზე უარი ვთქვათ