ალექსეი ნავალნის დედას შვილის ცხედარი აჩვენეს, თუმცა მის დაბრუნებაზე უარი უთხრეს. ამის შესახებ ლუდმილა ნავალნაიამ ვიდეომიმართვაში თქვა. მისი ინფორმაციით რუსეთის უსაფრთხოების ძალები მას დაემუქრნენ, რომ რაღაცას გაუკეთებდნენ გარდაცვლილი შვილის გვამს, თუ საიდუმლო დაკრძალვაზე არ დათანხმდებოდა.

მისი თქმით, საგამოძიებო კომიტეტის თანამშრომლები გეგმავენ ალექსის ფარულად დაკრძალვას, შემდეგ კი დედას აჩვენონ, სად არის დაკრძალული. "დრო არ არის თქვენს მხარეს, გვამი იხრწნება", - ციტირებს ლუდმილა ნავალნაია უშიშროების ძალებს თანამშრომლების სიტყვებს.

პოლიტიკოსის დედამ თქვა, რომ მან თითქმის 24 საათი გაატარა ქალაქ სალეხარდის საგამოძიებო კომიტეტში, გამომძიებლებთან და კრიმინოლოგებთან მარტო; ადვოკატი იქ მხოლოდ 22 თებერვალს შუადღის შემდეგ შეუშვეს.

„წუხელ ფარულად წამიყვანეს მორგში, სადაც ალექსეი მაჩვენეს. გამომძიებლები აცხადებენ, რომ სიკვდილის მიზეზი იციან, ყველა სამედიცინო და იურიდიული დოკუმენტი მზად აქვთ... კანონის მიხედვით, სასწრაფოდ უნდა მოეცათ ალექსის ცხედარი, სამაგიეროდ, პირობები დამიყენეს და დამაშანტაჟეს: სად, როდის. და როგორ უნდა დავიმარხო ალექსეი.  ჩემი თანდასწრებით ისინი იღებენ ბრძანებებს კრემლიდან ან საგამოძიებო კომიტეტის ცენტრალური აპარატიდან. მათ უნდათ, რომ ეს ფარულად, დამშვიდობების გარეშე მოხდეს. უნდათ, სასაფლაოს განაპირას, ახალ საფლავზე წამიყვანონ და თქვან: აქ წევს შენი შვილი. მე ამას არ ვეთანხმები, მინდა, რომ მე და ხალხს გვქონდეს საშუალება დავემშვიდობოთ ალექსის“, - თქვა ლუდმილა ნავალნაიამ.

უკვე რამდენიმე დღეა პუტინის მთავარი კრიტიკოსის ალექსეი ნავალნის ცხედარს ოჯახს არ აძლევენ.

ავტორი: ექსპრესნიუსი,

სოციალური ქსელები

მაკა ბოჭორიშვილს უმაღლესი დიპლომატიური რანგი მიენიჭება - დანამატის სახით მიიღებს ₾1 360-ს

Euractiv: ევროკავშირს სურს მოლაპარაკებების დაწყება უკრაინის 18 ივნისის სამიტში ჩართვასთან დაკავშირებით.

გვარამია: ხალხისთვის ხელის შეშლას არ ვაპირებთ, როცა დაიშლებიან, მოვახდენთ სცენის მონტაჟს

NATO-ს სამეკავშირეო ოფისი: ვუერთდებით ქართველ ხალხს საქართველოს დამოუკიდებლობის დღის აღნიშვნაში