ნაძალადევის რაიონში გზების კეთილმოწყობის სამუშაოები გრძელდება. ზღვისუბნის მესამე მიკრორაიონი, პირველი კვარტალი, N20 კორპუსის მიმდებარედ, 1 800 კვ.მ ფართობზე ასფალტის საფარის მეორე ფენის დაგების სამუშაოები მიმდინარეობს. აღნიშნულის შესახებ ინფორმაციას თბილისის მერია ავრცელებს.

მათი ცნობით, რომელაშვილის ქუჩის დაზიანებულ მონაკვეთზე, გზის კეთილმოწყობამდე 100 მეტრი გრძივი და 6 მეტრი სიმაღლის გრუნტის დამჭერი კედელი აშენდა, ასევე, ტროტუარი მოეწყო. კომპანიამ ,,ჯორჯიან უოთერ ენდ ფაუერი“ კი, 300 მეტრ სიგრძეზე ამორტიზებული სასმელი წყლის მილი შეცვალა.

„საგზაო ინფრასტრუქტურული სამუშაოები ნაძალადევის რაიონის გამგებელმა, ირაკლი ანდღულაძემ და თბილისის მერის მოადგილემ, კახაბერ გულედანმა ადგილობრივ მოსახლეობასთან ერთად დაათვალიერეს.

პროექტი ნაძალადევის რაიონის გამგეობის დაფინანსებით ხორციელდება. საყრდენი კედლის მშენებლობისთვის გამგეობის ბიუჯეტიდან 1 490 000 ლარი, ხოლო საგზაო სამუშაოებისთვის 139 614 ლარი გამოიყო“, - აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის