გერმანიის თავდაცვის მინისტრის, ბორის პისტორიუსის განცხადებით, შესაძლებელია, რომ რამდენიმე წელში რუსეთის პრეზიდენტი ვალდიმერ პუტინი თავს ნატოს წევრ ქვეყნებს დაესხას. აღნიშნულის შესახებ ინფორმაციას გერმანული გამოცემა Bild-ი ავრცელებს.

პისტორიუსის თქმით, თავდასხმა, შესაძლოა, ხუთი-რვა წლის შემდეგ მოხდეს.

„ჩვენ უნდა გავითვალისწინოთ, რომ ვლადიმერ პუტინი ერთხელაც, შესაძლოა, ნატოს ქვეყნებსაც კი დაესხას თავს. ჩვენი ექსპერტები ელოდებიან, რომ ეს, შესაძლოა, ხუთი-რვა წლის შემდეგ მოხდეს“, - განაცხადა პისტორიუსმა.

მისივე თქმით, რუსეთის მხრიდან მუქარა თითქმის ყოველდღიურად ისმის.

„ჩვენ სწრაფად უნდა გავაძლიეროთ ჩვენი თავდაცვა არსებული სიტუაციის ფონზე“, - დასძინა პისტორიუსმა.

გამოცემის ინფორმაციითვე, პისტორიუსმა სავალდებულო სამხედრო სამსახურის ცვლილებაზეც ისაუბრა და განაცხადა, რომ მზადაა, შეიარაღებულ ძალებში ის ადამიანები დაუშვას, რომლებსაც გერმანიის მოქალაქეობა არ აქვთ.

ავტორი: ექსპრესნიუსი,

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის