2024-01-13 16:12:36, 788 ნახვა

---

საფრანგეთის საგარეო საქმეთა მინისტრი - კრიზისების მატების მიუხედავად, უკრაინა დარჩება საფრანგეთის პრიორიტეტად

კრიზისების მატების მიუხედავად, უკრაინა არის და დარჩება საფრანგეთის პრიორიტეტად, - ამის შესახებ საფრანგეთის საგარეო საქმეთა მინისტრმა, სტეფან სეჟორნემ უკრაინის საგარეო საქმეთა მინისტრთან, დმიტრო კულებასთან შეხვედრის შემდეგ განაცხადა.

მისი თქმით, საფრანგეთი აღტაცებულია უკრაინელი ხალხის სიმამაცითა და გამძლეობით.

„კრიზისების მატების მიუხედავად, უკრაინა არის და დარჩება საფრანგეთის პრიორიტეტად. ჩვენ არ ვიყოყმანებთ, ჩვენი მონდომება უცვლელი რჩება, ისევე როგორც, უკრაინელი ხალხის სიმამაცითა და გამძლეობით ჩვენი აღტაცება“, - განაცხადა სტეფან სეჟორნემ.

შეგახსენებთ, რომ საფრანგეთის საგარეო საქმეთა ახალი მინისტრი სტეფან სეჟორნე პირველი ოფიციალური ვიზიტით კიევში დღეს ჩავიდა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი