2023 წლის პირველ 9 თვეში საქართველოში 52 ადამიანი მოკლეს. ამის შესახებ საქართველოს შინაგან საქმეთა სამინისტროს სტატისტიკაშია აღნიშნული.

შსს-ს სტატისტიკის მიხედვით, რეგისტრირებული 52 შემთხვევიდან 47 გახსნილია.

ამავე სტატისტიკის მონაცემების თნახმად, აღნიშნულ პერიოდში საქართველოში განზრახ მკვლელობის 27 და დამამძიმებელ გარემოებებში განზრახ მკვლელობის 25 ფაქტი დაფიქსირდა.

შსს-ს ინფორმაციით, წინა წლის ანალოგიურ პერიოდთან შედარებით, განზრახ მკვლელობის 8 შემთხვევით ნაკლები დაფიქსირდა, დამამძიმებელ გარემოებებში განზრახ მკვლელობამ კი 4-ით მოიმატა.

გარდა ამისა, მოიმატა დედის მიერ ახალშობილის განზრახ მკვლელობის შემთხვევებმაც. მიმდინარე წლის 9 თვეში დედის მიერ ახალშობილის განზრახ მკვლელობის 5 შემთხვევა დაფიქსირდა, რაც გასული წლის ანალოგიურ პერიოდს 2-ით აღემატება.

რაც შეეხება მკვლელობის მცდელობას, შინაგან საქმეთა სამინისტროს სტატისტიკის თანახმად, 2023 წლის პირველ 9 თვეში მკვლელობის მცდელობის 44, ხოლო დამამძიმებელ გარემოებაში მკვლელობის მცდელობის 36 შემთხვევა დაფიქსირდა, საიდანაც მკვლელობის მცდელობის 40, ხოლო დამამძიმებელ გარემოებაში მკვლელობის მცდელობის 35 შემთხვევა გაიხსნა.

სტატისტიკის სანახავად ეწვიეთ ბმულს.

ავტორი: ექსპრესნიუსი,

სოციალური ქსელები

სუს-ის თანამშრომელი საკუთარ ავტომანქანაში, თავისივე ცეცხლსასროლი იარაღით მიყენებული ჭრილობით გარდაცვლილი იპოვეს

მერია არ გასცემს ნებართვას 26 მაისის აქციისთვის სცენის მოსაწყობად

კალიფორნიაში ქიმიური ნივთიერების დაღვრის გამო 40 000-ზე მეტი ადამიანი იქნა ევაკუირებული

23-25 მაისს მოსალოდნელია დროგამოშვებით ნალექი