​აჭარის ჯანმრთელობისა და სოციალური დაცვის მინისტრმა, ნინო ნიჟარაძემ, მ. იაშვილის სახელობის ბათუმის დედათა და ბავშვთა ცენტრალური ჰოსპიტალის ექიმი ალერგოლოგი, პედიატრი, ვახტანგ ბერიძე, 70 წლის იუბილესა და აჭარის ა.რ. მოსახლეობის ჯანმრთელობის დაცვის სფეროში შეტანილი წვლილისათვის, სამინისტროს სიგელით დააჯილდოვა. აღნიშნულის შესახებ ინფორმაციას აჭარის ჯანდაცვის სამინისტრო ავრცელებს

"ბატონ ვახტანგს სამინისტროს სახელით ვულოცავთ იუბილეს და ვუსურვებთ ჯანმრთელობას, წარმატებულ და ნაყოფიერ წლებს როგორც პროფესიაში, ასევე პირად ცხოვრებაში. ბატონი ვახტანგი გამოირჩევა მაღალი პროფესიონალიზმით, პროფესიის ერთგულებითა და პაციენტებისადმი გულისხმიერებით, აღსანიშნავია მისი როლი რეგიონში სხვადასხვა სამედიცინო პროგრამების დანერგვისა და განხორციელების პროცესში",- აღნიშნა მინისტრმა, ნინო ნიჟარაძემ.

აჭარის ჯანდაცვის სამინისტროს ცნობით, ვახტანგ ბერიძემ დაამთავრა თბილისის სახელმწიფო სამედიცინო ინსტიტუტი, მოგვიანებით ორდინატურა გაიარა მოსკოვის მედიცინის მეცნიერებათა აკადემიის პედიატრიის ინსტიტუტში. არის მედიცინის მეცნიერებათა დოქტორი, ფლობს სახელმწიფო და საერთაშორისო სერტიფიკატებს პედიატრიასა და ალერგოლოგიაში. არის არაერთი სამეცნიერო ნაშრომისა და პუბლიკაციის ავტორი მ. იაშვილის სახელობის ბათუმის დედათა და ბავშვთა ცენტრალური ჰოსპიტალში საქმიანობს 1987 წლიდან. პარალელურად ეწევა საგანმანათლებლო საქმიანობას ბათუმის შოთა რუსთაველის სახელმწიფო უნივერსიტეტში. არის საბუნებისმეტყველო მეცნიერებათა და ჯანდაცვის ფაკულტეტის პროფესორი.

ავტორი: NS (სტატია დაფინანსებულია),

სოციალური ქსელები

საგამოძიებოს ცნობით, კორუფციულ და საფინანსო-ეკონომიკურ სფეროში ჩადენილი სამი დანაშაულებრივი ფაქტი გამოავლინეს

სასამართლოს გადაწყვეტილებით, EU-ს ტრასტებში შენახული რუსული აქტივების გაყინვაც შეუძლია

ყაზახეთმა ქვეყანაში „გაზპრომის“ აქტივების ჩამორთმევის ნებართვა გასცა უკრაინის მიერ შეტანილი 1.4 მილიარდი დოლარის ოდენობის სარჩელის შემდეგ

ისწავლე საქართველოს ბანკის ნიკა გუჯეჯიანის სახელობის სტიპენდიით ახლა უკვე მადრიდში