ეკონომიკისა და მდგრადი განვითარების მინისტრის გიორგი კვირიკაშვილის შეფასებით, ლარის კურსის დარეგულირებაში ეროვნული ბანკის ჩარევის საჭიროება არ არის.

„ეროვნულ ბანკთან ძალიან კარგი კოორდინაცია გვაქვს. ჩვენ ყოველდღიურ რეჟიმში ერთად ვმუშაობთ და ფაქტიურად გადაწყვეტილებები, რომელიც მიიღება არის გუნდური. რა თქმა უნდა მონეტარული პოლიტიკა მათი პრეროგატივაა, ამ ეტაპზე მათი ჩარევის საჭიროება ნამდვილად არ არსებობს. არ არსებობს ის ზეწოლა, რომელიც ეროვნულ ბანკს აიძულებდა, რომ კურსის დაკორექტირებაში ჩარეულიყო. უნდა ითქვას, რომ აბსოლუტურად  ვაცნობიერებთ იმ საგარეო ეკონომიკურ ეფექტებს, რომელიც სახეზეა“,-აღნიშნა კვირიკაშვილმა.

მისივე თქმით, ქვეყნის ეკონომიკური გაუმჯობესების მიზნით მთავრობას  სამოქმედო გეგმები  აქვს.

„ ჩვენ გვაქვს მკაფიო სამოქმედო გეგმა, რომელსაც ნაბიჯ-ნაბიჯ  ვახორციელებთ. ამ გეგმის  უმნიშვნელოვანესი კომპონენტი წლევანდელ წელს ინფრასტრუქტურული პროექტების  გაზრდა და დამატებითი დონორების,  დაფინანსების მოძიებაა, რომელსაც ვფიქრობ წარმატებით გავართმევთ თავს“,-განაცხადა კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა