რუსული კერძო სამხედრო დაჯგუფების „ვაგნერის“ ხელმძღვანელი ევგენი პრიგოჟინი ამჟამად რუსეთის ქალაქ სანქტ-პეტერბურგში იმყოფება,- ამის შესახებ ბელარუსის პრეზიდენტმა, ალექსანდრ ლუკაშენკომ განაცხადა.

ლუკაშენკოს თქმით, „ვაგნერის“ მებრძოლები თავიანთ ბანაკებში არიან განთავსებული.

„რატომ მეკითხებით, სად არის დღეს „ვაგნერის“ კერძო სამხედრო კომპანია და ამ კომპანიის ხელმძღვანელი? ეს კომპანია, კარგად გესმით, რუსულია. ამიტომ, კითხვა აშკარად არ მეკუთვნის. რამდენადაც მე ვარ ინფორმირებული, „ვაგნერის“ მებრძოლები თავიანთ ბანაკებში იმყოფებიან, მუდმივ ბანაკებში, სადაც ისინი იმყოფებოდნენ ფრონტიდან გაყვანის შემდეგ.

რაც შეეხება ევგენი პრიგოჟინს, ის პეტერბურგში იმყოფება. დღეს დილით სად არის? შეიძლება, დილით მოსკოვში წავიდა. რამდენადაც დღეს დილით მაცნობეს,- განაცხადა ლუკაშენკომ.

შეგახსენებთ, 24 ივნისს, რუსეთში კერძო სამხედრო კომპანია "ვაგნერის" დამფუძნებელი, ევგენი პრიგოჟინი რუსეთის ხელისუფლების წინააღმდეგ აჯანყდა, თუმცა ბელარუსის პრეზიდენტთან, ალექსანდრ ლუკაშენკოსთან დიალოგის შემდეგ, პრიგოჟინმა განაცხადა, რომ აჯანყება შეწყვიტა.

მოგვიანებით, კრემლის პრესსპიკერმა, დმიტრი პესკოვმა განაცხადა, რომ პრიგოჟინის წინააღმდეგ დაწყებული სისხლის სამართლის საქმის წარმოება შეწყდა და ის ბელარუსში გაემგზავრა.

27 ივნისს, ბელარუსის პრეზიდენტმა, ალექსანდრ ლუკაშენკომ დაადასტურა, რომ კერძო სამხედრო დაჯგუფება "ვაგნერის" დამფუძნებელი ევგენი პრიგოჟინი ბელარუსში ჩავიდა.

ავტორი: ექსპრესნიუსი,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია