უკრაინამ რუსეთის ტყვეობიდან 95 მებრძოლი გაათავისუფლა. აღნიშნულ ინფორმაციას უკრაინული მედია სამხედრო ტყვეთა საკოორდინაციო შტაბზე დაყრდნობით ავრცელებს.

როგორც საკოორდინაციო შტაბის ინფორმაციაშია ნათქვამი, გათავისუფლებულთა შორის უკრაინის შეიარაღებული ძალების 51 წარმომადგენელი, ეროვნული გვარდიის 29 წევრი, 11 მესაზღვრე და 4 სამხედრო მეზღვაური არიან. მათგან 2 ოფიცერია, დანარჩენები კი, რიგითები და სერჟანტები არიან.

საკოორდინაციო შტაბში აცხადებენ, რომ რუსეთის ტყვეობიდან მარიუპოლის (მათ შორის „აზოვსტალის“) და კუნძულ „ზმეინის“ დამცველები, ასევე ჩერნობილის ატომურ ელექტროსადგურში დატყვევებული პირები გათავისუფლდნენ. გათავისუფლებული დამცველებიდან 27 იცავდა დონეცკის მიმართულებას (მათგან 5 ქალაქ ბახმუტის მახლობლად). არიან ხარკოვის, ზაპოროჟიეს, ხერსონის, ლუგანსკისა და სუმის მიმართულებების დამცველები, რომლებიც კერძო სამხედრო დაჯგუფება „ვაგნერის“ და ქვედანაყოფ „ახმატის“ ტყვეობაში იმყოფებოდნენ.

ავტორი: ექსპრესნიუსი,

სოციალური ქსელები

დიუშენის კუნთოვანი დისტროფიის მქონე ბავშვების დასახმარებლად უკვე 1 300 000 ლარი შეგროვდა - მარათონი გრძელდება

26 მაისს დაგეგმილ დიდ საპროტესტო აქციას სტუდენტებიც უერთდებიან

NYT: ტრამპის ადმინისტრაცია ისრაელს ირანთან მოლაპარაკებებში გვერდზე უდგას

ზელენსკი: უკრაინის ყოფნა ევროკავშირში სრულფასოვანი უნდა იყოს