სუდანში, რეგულარულმა არმიამ ხართუმის საერთაშორისო აეროპორტი დაბომბა. აღნიშნულის შესახებ ინფორმაციას The New York Times-ი ავრცელებს.

გამოცემის ცნობით, გასამხედროებულმა მებრძოლებმა სამხედრო თვითმფრინავების მოგერიება სცადეს. არმიასა და გასამხედროებულ მებრძოლებს შორის შეტაკებები მეხუთე დღეა გრძელდება. 

გამოცემის ცნობითვე, რეგულარული არმიის მიზანი აეროპორტის ტერიტორიიდან სწრაფი მხარდაჭერის ძალების (RSF) განდევნა იყო. 

შეგახსენებთ, ხართუმში, არმიის სარდლობისა და პრეზიდენტის სასახლის მახლობლად, ასევე RSF-ის ორ ბაზასთან ახლოს, შეიარაღებულ ძალებსა და გასამხედროებულ "სწრაფი მხარდაჭერის ძალებს" (RSF) შორის დაპირისპირება მიმდინარეობს.

აღსანიშნავია, რომ გუშინ, 18 აპრილს დაპირისპირებული მხარეები 24 საათის განმავლობაში ცეცხლის შეწყვეტაზე შეთანხმდნენ, თუმცა ზავი დაირღვა. 

ამასთან, ჯანდაცვის მსოფლიო ორგანიზაციის (WHO) ცნობით, სუდანში საბრძოლო მოქმედებების დაწყებიდან სამ დღეში, სულ მცირე, 270 ადამიანი დაიღუპა და 2 600-ზე მეტი დაშავდა.

ავტორი: ექსპრესნიუსი,

სოციალური ქსელები

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ