უკრაინის პრეზიდენტი ვოლოდიმირ ზელენსკი ხერსონის რეგიონში ჩავიდა. უკრაინული მედიის ინფორმაციით, სახელმწიფოს მეთაური სოფელ პოსად-პოკროვსკოეს ეწვია, სადაც ომის შედეგად, ბევრი საცხოვრებელი სახლი და სოციალური ინფრასტრუქტურის ობიექტი დაზიანდა.

ზელენსკი ადგილობრივებს გაესაუბრა და მათ დახმარებას დაჰპირდა.

„ყველაფერს აღვადგენთ, ყველაფერს ავაშენებთ ისევე, როგორც ოკუპანტებისგან დაზარალებულ თითოეულ ქალაქსა და სოფელს“,- განაცხადა ზელენსკიმ.

პრეზიდენტმა რეგიონის ერთ-ერთი ენერგეტიკული ობიექტიც დაათვალიერა და დასახლებების ელექტროენერგიით უზრუნველყოფის საკითხზე ინფორმაცია მოისმინა.

ვოლოდიმირ ზელენსკიმ ასევე დააჯილდოვა უკრაინელი სამხედროები, რომლებიც ხერსონის რეგიონის დაცვაში მონაწილეობენ.

შეგახსენებთ, უკრაინის პრეზიდენტი გუშინ, 22 მარტს დონეცკის ოლქი იმყოფებოდა.

ავტორი: ექსპრესნიუსი,

სოციალური ქსელები

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“

რუსეთმა უკრაინის მიმართულებით 600 დრონი და 90 რაკეტა გაუშვა, მათ შორის „ორეშნიკი“

მედვედევი კიევის დაბომბვაზე - ჩვენ უნდა დავრტყმა მივიტანოთ - როგორც დღეს გავაკეთეთ და კიდევ უფრო ძლიერად

უსიკმა დაძაბულ ბრძოლაში ვერჰოვენი ნოკაუტით დაამარცხა და ჩემპიონის ტიტულები დაიცვა