პროტესტმა რომ შედეგი მოიტანოს საჭიროა ხალხის მხარდაჭერა, რაც ამ ოპოზიციას, ჩვენდა საბედნიეროდ და ქვეყნისათვის სასიკეთოდ, არ გააჩნია, - საზოგადოებრივი მაუწყებლის ცნობით, ამის შესახებ კულტურის მინისტრმა თეა წულუკიანმა განაცხადა.

მისივე თქმით, დესტრუქციული ოპოზიციის მხრიდან ბევრი ბოიკოტი და პროტესტი ახსოვს ქვეყანას, მაგრამ ის ფიქრობს, რომ, ვერც ეს ბოიკოტი მოიტანს მათთვის სასურველ შედეგს.

მან დასძინა, რომ რევოლუციების დაპირებების და მუქარის მცდელობები მრავალჯერ იყო, მაგრამ ვერ განხორციელდა. 

"ბევრი ბოიკოტი, ბევრი პროტესტი გვინახავს, მათ შორის, საპარლამენტო მიმართულებით, მომდინარე დესტრუქციული ოპოზიციისგან და რა თქმა უნდა, ჩვენ ვვარაუდობთ, რომ არც ეს ბოიკოტი მოიტანს მათთვის სასიკეთო შედეგს. ქვეყნისთვის კი დასანანია. არ დადგა ის დრო ჩვენს ცხოვრებაში, რომ პარლამენტში სახელისუფლებო უმრავლესობას და მთავრობაში ხელისუფლებას გაგვიჩნდეს კომპეტენტური, ძლიერი ოპოზიციური შემადგენლობა იმისთვის, რომ ქვეყანა კიდევ უფრო სწრაფად წავიდეს წინ. რაც შეეხება რევოლუციების დაპირებას, მუქარებს, ესეც უკვე ნანახია, მრავალჯერ იყო მცდელობა და ვერ განხორციელდა. რაიმე პროტესტმა რომ შედეგი მოიტანოს საჭიროა ხალხის მხარდაჭერა, რაც ამ ოპოზიციას, ჩვენდა საბედნიეროდ და ქვეყნისათვის სასიკეთოდ, არ გააჩნია", - განაცხადა წულუკიანმა.

ავტორი: ექსპრესნიუსი,

სოციალური ქსელები

Cashback-ის და Visa-ს შეთავაზება ICR Trade-ის მაღაზიებში

„თეგეტამ“ Datamind-თან პარტნიორობით მონაცემთა მართვის სისტემა გარდაქმნა

განსაკუთრებული შესაძლებლობა მხოლოდ თიბისის მომხმარებლებისთვის

ბაზისბანკი წარმოგიდგენთ ფინანსური განათლების ეროვნულ ჯილდოს - მასწავლებელთა განაცხადების მიღება დაიწყო