ახალგაზრდა იურისტთა ასოციაცია 5 ივლისის მოვლენების დროს დაზარალებული 16 რეპორტიორის სახელით, სტრასბურგის სასამართლოს მიმართავს. ამის შესახებ საიას თავმჯდომარემ, ნიკა სიმონიშვილმა გამართულ ბრიფინგზე განაცხადა. 

მისი თქმით,  ევროპულ სასამართლოს ოთხი მუხლით გათვალისწინებული უფლების დარღვევასთან დაკავშირებით მიმართეს, მათ შორის არის გამოხატვის თავისუფლება და წამების აკრძალვა და იმედი აქვთ,  რომ დარღვევა დადგინდება.

"საიამ 16 მედიის წარმომადგენლის სახელით მივმართეთ ადამიანის უფლებათა სასამართლოს 5 ივლისის საქმეებთან დაკავშირებით და მივმართეთ სწორედ იქიდან გამომდინარე, რომ ამ დრომდე, ჩვენ ვხედავთ რომ გამოძიება არის არაეფექტური, როგორც უშუალოდ მოძალადეების ნაწილში, როლებიც არ არიან ყველანი დასჯილი, მაშინ როცა არის საშუალება, რომ მოძიებული იქნას ყველა მტკიცებულება და რაც ყველაზე საგანგაშოა, არის ის, რომ არცერთი ორგანიზატორი პასუხისგებაში არ არის მიცემული. 

პროკურატურა უბრალოდ არაფერს არ აკეთებს ამ ნაწილში და გამოძიება არის არაეფექტური. ასევე, სახელმწიფოს იმ შესაბამის თანამდებობის პირებს, რომელსაც ევალებოდათ 5 ივლისს, როგორც ჟურნალისტების ასევე აქტივისტების უსაფრთხოების დაცვა, თუმცა არაფერი გააკეთეს და უბრალოდ დაუშვეს ძალადობა და მათ მიერ პირდაპირი წახალისების ფონზე, ჩვენ მივიღეთ ის, რაც მივიღეთ. 

ეს საქმე არის ღირსების საქმე, არა მარტო მედიის წარმომადგენლებისთვის, არამედ მთელი სამოქალაქო სექტორისთვის და ჩვენი ქვეყნისათვის, ამიტომაც მივმართეთ ევროპულ სასამართლოს ოთხი მუხლით გათვალისწინებული უფლების დარღვევასთან დაკავშირებით, მათ შორის არის გამოხატვის თავისუფლება და წამების აკრძალვა და იმედი მაქვს, რომ დადგინდება სტრასბურგის სასამართლოს მხრიდან  დარღვევა",- განაცხადა სიმონიშვილმა. 

ავტორი: ექსპრესნიუსი,

სოციალური ქსელები

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე