პირველად ზემო მთიანი აჭარის ისტორიაში, შუახევში ახალგაზრდული კინომოყვარულთა ფესტივალი - ,,აჭარული ამბები" გაიმართა.

ღონისძიებას, შუახევის მერის მოადგილეები, რუსუდან შავაძე, გურამ ზოიძე, საკრებულოს თავმჯდომარე, როსტომ ლორთქიფანიძე, აჭარის განათლების, კულტურისა და სპორტის სამინისტროს კულტურის დეპარტამენტის უფროსი თამარ გუდავა, საერთაშორისო კინოფესტივალი ,,თბილისური აისის“ ხელმძღვანელი, გრიგოლ ჩიგოგიძე, მოწვეული სტუმრები, ჟიურის წევრები და თვითმმართველობის წარმომადგენლები ესწრებოდნენ.

ფესტივალის ფარგლებში, მოეწყო ახალგაზრდების მიერ გადაღებული მოკლემეტრაჟიანი ფილმების ჩვენება/განხილვა და საუბრები კინოხელოვნებაზე. 

საზეიმოდ დაჯილდოვდნენ, სხვადასხვა ნომინაციაში გამარჯვებული და გრან- პრის მფლობელი ახალგაზრდები, რომლებსაც სასაჩუქრე ვაუჩერები და სიგელები გადაეცათ.

პროექტის მიზანს, კინოხელოვნებით დაინტერესებული მოზარდებისა და ახალგაზრდების შემოქმედებითი ნიჭის წარმოჩენა, საბავშვო და ახალგაზრდულ კინოსტუდიებს შორის თანამშრომლობა, აჭარის რეგიონის ტურისტული ლოკაციების გადაღება-პოპულარიზაცია წარმოადგენდა.

კინოფესტივალი ,,აჭარული ამბები", არასამთავრობო ორგანიზაცია ,,გადასხვაფერდის“, აჭარის ა/რ განათლების, კულტურისა და სპორტის სამინისტროს მიერ გამოცხადებული შემოქმედებითი საგრანტო კონკურსის გამარჯვებულია, რომლის ფინანსური მხარდამჭერია შუახევის მერია.
ღონისძიებას მუსიკალურად აფორმებდა გოგონათა ბენდი და ანსამბლი ,,იავნანა".

ავტორი: NS (სტატია დაფინანსებულია),

სოციალური ქსელები

უკრაინის შეიარაღებული ძალების თავდასხმების გამო, პუტინმა რუსეთში საზოგადოებრივი გადაადგილება სრულად შეაჩერა

რუსეთში ვარდები და მიხაკები გაძვირდება სომხეთიდან ყვავილების იმპორტის აკრძალვის გამო

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები