უკრაინის ეროვნული გვარდიის პოლკ „აზოვის“ მეთაური, დენის პროკოპენკო თავისუფალია, ამის შესახებ უკრაინული ტელეგრამ არხები იუწყებიან. ამასთან, ვრცელდება ფოტო სადაც პროტოპენკო უკრაინის ხელისუფლების წარმომადგენლებთან ერთად დგას. 
რუსული საინფორმაციო საშუალებების ცნობით, 20 მაისს ალყაშემორტყმული „აზოვსტალიდან“ ერთ-ერთი ბოლო გამოვიდა და რუს სამხედროებს ჩაბარდა პოლკ „აზოვის“ მეთაური, დენის პროკოპენკო. 
16 მაისს, როდესაც „აზოვსტალიდან“ უკრაინელი სამხედროების გაყვანის პროცესი დაიწყო, უკრაინის თავდაცვის სამინისტროს გენერალურ შტაბში განაცხადეს, რომ ისინი ტყვეთა გაცვლის მექანიზმებით შეძლებდნენ უკრაინაში დაბრუნებას.

მანამდე, ასევე უკრაინის სამხედრო და პოლიტიკური ხელმძღვანელობის ბრძანების შემდეგ დათანხმდნენ „აზოვსტალის“ დამცველები იარაღის დაყრასა და ჰუმანიტარული დერეფნით რუსეთის მიერ კონტროლირებად ტერიტორიაზე ევაკუაციას.

აი, რა განაცხადა თავის ბოლო მიმართვაში პოლკ „აზოვის“ მეთაურმა, დენის პროკოპენკომ: „დიდება უკრაინას, მარიუპოლის დაცვის 86-ე დღე. უმაღლესმა სამხედრო ხელმძღვანელობამ გასცა ბრძანება გარნიზონის სამხედრო მოსამსახურეების სიცოცხლისა და ჯანმრთელობის შენარჩუნებისა და ქალაქის თავდაცვის შეჩერების შესახებ.

მიუხედავად მძიმე ბრძოლებისა, ყოვლისმომცველი თავდაცვისა და მარაგის ნაკლებობისა, ჩვენ მუდმივად ხაზს ვუსვამდით ჩვენთვის მნიშვნელოვან სამ პირობას, ესენია: მშვიდობიანი მოსახლეობა, დაჭრილები და დაღუპულები.

მშვიდობიანი მოსახლეობის ევაკუაცია განხორციელდა. მძიმედ დაჭრილებმა მიიღეს საჭირო დახმარება და მათი ევაკუაცია განხორციელდა შემდგომი გაცვლითა და უკრაინის მიერ კონტროლირებად ტერიტორიაზე გადაყვანის [პირობით]. რაც შეეხება დაღუპულ გმირებს, პროცესი გრძელდება. იმედი მაქვს, უახლოეს მომავალში ახლობლები და მთელი უკრაინა შეძლებენ თავიანთი ჯარისკაცების პატივით დაკრძალვას. დიდება უკრაინას!“ - ნათქვამი იყო დენის პროკოპენკოს მიმართვაში.

„ეს იყო ერთადერთი საშუალება, ერთადერთი გზა, რადგან მისთვის მთავარი იყო, რომ პირადი შემადგენლობა ცოცხალი დარჩენილიყო. და უკვე ყველას ესმოდა, რომ რუსები ყოველდღიურად აძლიერებდნენ შტურმს. მათ ჰქონდათ ცნობები, თუ ვინ სად იმყოფებოდა, სად იყვნენ ჯარისკაცები თავშეყრილნი ამ ბუნკერებში და ზუსტი სროლებით სპეციალურად ანადგურებდნენ მათ“, - უთხრა პროკოპენკომ რადიო თავისუფლების უკრაინულ სამსახურს.

მან და მის ბედქვეშ მყოფი პოლკ „აზოვის“, საზღვაო ქვეითების, ეროვნული გვარდიისა და სხვა უკრაინული დანაყოფების მებრძოლთა ცოლებმა დააფუძნეს „აზოვსტალის“ ოჯახების ასოციაცია, რომლის უმთავრესი მიზანი ტყვეობაში მყოფი სამხედროების მდგომარეობის შესახებ ყოველდღიური ინფორმაციის მოპოვება და მათ გასათავისუფლებლად საერთაშორისო ორგანიზაციებთან რეგულარული კონტაქტების დამყარებაა.

ავტორი: ექსპრესნიუსი,

სოციალური ქსელები

ტრამპი: აშშ-ის სახელით, ქართველ ხალხს ვულოცავ ეროვნულ დღესასწაულს

მარკო რუბიო სომხეთში ჩავიდა

მაკა ბოჭორიშვილს უმაღლესი დიპლომატიური რანგი მიენიჭება - დანამატის სახით მიიღებს ₾1 360-ს

Euractiv: ევროკავშირს სურს მოლაპარაკებების დაწყება უკრაინის 18 ივნისის სამიტში ჩართვასთან დაკავშირებით.